Ministri i Administrimit të Pushtetit Lokal, Elbert Krasniqi ka deklaruar se brenda 100 ditëve të para do të publikojnë analizën për efektet negative të pandemisë në 38 komunat e Kosovës.
Duke i premtuar mbështetje nivelit lokal, ministri Krasniqi tha se prioritet i tyre gjatë tre muajve është edhe reforma e kornizës ligjore, ndërsa premtoi se shumë shpejt në koordinim me Ministrinë e Shëndetësisë do t’i ndihmojnë edhe komunave për barnat esenciale.
Gjatë debatit “Fol Hapur”, organizuar nga Lëvizja FOL, Krasniqi iu zotua komunave për bashkëpunim të mirëfilltë dhe plotësim të kërkesave të tyre.
“Kemi filluar në përgatitjet në termat e referencës dhe brenda 100 ditëve të para do të arrijmë të përfundojmë një dokument, i cili do të mundësojë një analizë të mirëfilltë të nivelit lokal. Në kohën që ne jemi duke diskutuar kanë ndodhur disa studime dhe jemi duke marrë për bazë të gjitha këto studime dhe do të shohim çka është lënë prapa nga palët e tjera dhe do të shohim çka do të bëjmë me këtë studimin tonë. Por do të jetë një studim gjithëpërfshirëse në 38 komunat e Kosovës, do të na jep një pasqyrë më të mirë për ndikimin negativ që ka pasur pandemia”, u shpreh ai.
Ministri nga komuniteti egjiptian tregoi edhe për planet e tij në plotësim-ndryshimin e ligjeve në administrimin e pushtetit lokal dhe hartimin e ligjeve të reja.
“Ne kemi përgatitur edhe planifikimet strategjike ku duhet intervenim i menjëhershëm brenda 100 ditëve të para. Ndërhyrja e parë duhet të bëhet në reformën e kornizës ligjore për pushtetin lokal dhe atë përmes plotësim-ndryshimit dhe hartimit të kornizës së re ligjore që ndërlidhet me administrimin e pushtetit lokal. Gjatë këtij 100 ditshi të parë do të arrijmë të ndryshojmë dhe plotësojmë dy ligjet bazike për qeverisjen lokale. Ligjin për qeverisjen lokale dhe plotësim-ndryshimi për financat e pushtetit lokal. Ndërsa, do të përfundojmë koncept-dokumentet për dy ligjet e reja, përkatësisht ligjin për grantin e katërt qeveritar dhe ligjin për grantin e katërt. E para si derivat i premtimit tonë elektoral dhe e dyta si rezultat i punës së ministrisë me shumë donatorë të huaj dhe ndërkombëtar”, tha Krasniqi.
Krahas këtyre, Krasniqi tha se prioritet kryesor do të jetë edhe mbështetja e komunave për menaxhimin dhe luftimin e pandemisë COVID-19.
“Prioritet kryesor i MAPL-së është mbështetja e komunave për menaxhimin dhe luftimin e pandemisë COVID-19. Nuk mund të anashkalojmë se kjo do të jetë prioritet yni që komunat të fillojnë të ndiejnë edhe mbështetjen e nivelit qendror dhe mos të lihen të parat siç ka ndodhur në qeverinë që lamë pas. Ne iu kemi zgjatur dorën e bashkëpunimit gjithmonë dhe jemi në koordinim të drejtpërdrejtë me ta.
Në bashkëpunim me Ministrinë e Shëndetësisë jemi në koordinim të mbështetjes edhe nga MAPL për nivelin lokal, konkretisht në barnat esenciale dhe mbështetjen e drejtpërdrejtë që duhet të kenë qytetarët të pranojnë shërbimet nga QKMF-të. Një pjesë shumë e mirë e tyre edhe në dy takimet që kemi pasur kuptojmë se ka mungesë të tyre. Si ministri jemi munduar që me buxhetin që është aktualisht të koordinojmë me MF dhe MSH që të përfitojnë nga ky buxhet”, tha ai. /kp/
Promo
Reklamo këtuLufta Prigozhin - Putin
Më shumëNga Rubrika
“Le Figaro”: Ja cilat janë plazhet më të bukura shqiptare
Angellovska- Bezhoska: Lehtësim të politikës monetare, në gjysmën e dytë të vitit
Përplasja midis policisë dhe mbështetësve të opozitës në Tiranë, OSBE: Protesta paqësore akt demokratik legjitim, dhuna jo
Kurti ironizon me ushtrimet e ushtrisë serbe: Paraqesin ndotje të ajrit e tokës
SHBA-ja synon ta "fortifikojë" Ballkanin Perëndimor
Protesta e dhunshme para Bashkisë së Tiranës, reagojnë ambasadat e SHBA-ve dhe BE-së
Trajnimi i ushtarëve ukrainas, ambasadori Kapiti: Krenarë me përkushtimin e FSK-së
500 euro gjobë, 5 pikë negative, 6 muaj masë mbrojtëse e sekuestrim i veturës – Policia dënon vozitësin në Pejë
11-vjet nga marrëveshja e nënshkruar nga Thaçi dhe Daçiq, deklarohet Stano: Themelimi i Asociacionit, ndër çështjet më urgjente
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi