Mijëra aktivistë janë mbledhur sot në Londër për të protestuar kundër izolimit, pasi që më shumë se 60 deputetë i kanë bërë thirrje ministres së Punëve të Brendshme të zbut masat e kufizimit siç janë tubimet publike – që për shkak të pandemisë së coronavirusit ndalohen me ligj.

Siç raporton Sky News, Pierce Korbin, vëllai i ish-liderit të Laburistëve, Jeremy Corbin, ka udhëhequr grupin që është mbledhur në parkun Hyde, kurse gjashtë persona janë arrestuar pasi policia ka reaguar menjëherë për të shpërndarë turmën, transmeton Telegrafi.

Duke mbajtur mbishkrime në duar me porosi kundër masave anti-COVID, demonstruesit më pas i janë drejtuar rrugëve tjera të Londrës, ku erdhi deri te përleshja kur tentuan të thyejnë kordonin e policisë.

Kjo protestë ka ndodhur pasi që më shumë se 60 deputetë kërkuan nga ministria e Brendshme, Pretty Patel, të lejoj mbajtjen e protestave nëpër Angli për shkak të masave anti-COVID.

Siç raportojnë mediat angleze, gjatë epidemisë së coronavirusit mbajtja e protestave ndalohet në Angli, e për këtë policia paralajmëroi sot qytetarët që të mos shkojnë në qendër të Londrës që të marrin pjesë në demonstratat e planifikuar kundër masave të vëna anti-COVID. /Telegrafi/