Koordinatori i Grupit Parlamentar të OBRM-PDUKM-së dhe Koalicionit "Për Rindërtimin e Maqedonisë", Nikolla Micevski sot në një konferencë për media informoi se nesër fillon bllokada aktive në Kuvend.
"Bllokada aktive është pasojë, reagim ndaj veprimit të qeverisë së Kovaçevskit, të udhëhequr nga LSDM dhe BDI, të cilët nuk treguan ndjenjën e shtetësisë dhe refuzuan çdo mundësi për dialog për çështjet më të rëndësishme në këtë vend", tha Micevski.
Ai përmendi se bllokada do të zgjasë deri në mbajtjen e zgjedhjeve të parakohshme.
"Ne jemi të gatshëm të shkojmë deri në fund sepse mundemi dhe duhet të sigurojmë të ardhmen e qytetarëve", tha Micevski./Telegrafi/
