Manchester City ka shpenzuar rreth 55.000 euro në pije gjatë festës së titullit të Ligës Premier për sezonin 2022/2023.
Citizens fituan tripletën historike këtë edicion duke siguruar titullin e Anglisë, Kupën FA dhe Ligën e Kampionëve.
Ndërsa babai i Jack Grealish (i njohur si ‘i çmenduri’ i festave), Kevin, ka treguar se triumfi i pestë në Ligën Premier në gjashtë vitet e fundit, ka nxitur një festë të shtrenjtë te ekipi i Pep Guardiolas.
Heronjtë e Cityt kishin shkuar në klubin e quajtur Tunnel për t’iu gëzuar suksesit të titullit të kampionit të Anglisë, ndërsa fatura ishte e majme.
Në një prononcim për The Mirror, babai i Grealish ka rrëfyer se klubi kishte shpenzuar plot 47.000 funte (55.000 euro) në pije.
“E kam parë faturën – dhe para se ta thoni – nuk ishte vetëm fatura e pijeve të Jackut. Atë natë, ai u kthye më herët në shtëpi!”, ka treguar babai i futbollistit. /Telegrafi/
