Corsa-e ka mbushës të brendshëm trefazësh 11 kW, që i mundëson të mbushë bateritë deri më 100 kW. Tani Opel ka bërë të ditur, më shumë informacione, për sistemin kabllor të mbushjes së kësaj makine elektrike, aplikacionin myOpel dhe mbushjen në pika të ndryshme Charge My Car.

Me të gjitha këto, është njoftuar nga afër edhe kancelarja Angela Merkel, e cila e hapi zyrtarisht edicionin e 68-të Frankfurt Motor Show, që do të jetë hapur deri më 22 shtator, transmeton Telegrafi.

Versioni bazë i Corsa-e, e ka mbushësin njëfazor 7.4 kW, në dispozicion ku sistemi trefazor nuk është aq i përhapur, si në Gjermani. Ky është edhe versioni më i lirë, që kushton 29,900 euro.

https://telegrafi.com/merkel-hap-panairin-ne-frankfurt-provon-veturen-e-pare-elektrike-te-vw-aktivistet-mjedisore-kishin-pergatitur-nje-befasi/

Lansimi i Corsa-2 bëhet në formatin Mode 2, që mund të mbushet në shtëpi, derisa sistemi i mbushjes me 1.8, me bateri 50 kWh, merr shumë kohë derisa të mbushet. Nëse mbushja bëhet me kabllo nëpër pikat e caktuara, i duhen 90 minuta që të mund të lëvizë për 100 kilometra, derisa pesë orë i nevojiten që të mbushet në tërësi.

Kabllot janë të gjatë rreth gjashtë metra, që mundësojnë të mbushet edhe nga largësia, nëse nuk arrihet të parkohet në pozitat e dëshiruara.

Mbushja në stacion me 100 kW DC, kërkon vetëm 12 minuta, që makina të mund të lëvizë për 100 kilometra, derisa 50 kW DC mund të lëvizë për 100 kilometra pasi të jetë mbushur për 19 minuta. Në anën tjetër, 11 kW duhet të mbushet për 90 minuta që të mund të lëvizë për 100 kilometra.

Shërbimet tjera rreth aplikacioneve të Corsa-e, sistemin e mbushjes dhe se sa do të kushtojë, Opel do t’i bëjë të ditura në të ardhmen. /Telegrafi/