Meshkujt që nuk janë të dëshirueshëm për martesë

Puna e një burri ndikon ndjeshëm në suksesin ose dështimin e një martese.

Edhe pse arsyet e divorcit mund të jenë të shumta dhe të ndryshme, ka edhe nga ato më të zakonshmet, si problemet e komunikimit, fundi i dashurisë, mungesa e intimitetit, tradhtia, çështjet financiare e të ngjashme.

Lexo po ashtu Burrat qëndrojnë të martuar për gjithë jetën vetëm nëse gruaja i plotëson këto dy kushte

Puna e burrit është një faktor kyç

Megjithatë, shumë nuk janë as të vetëdijshëm se suksesi ose dështimi i një martese varet nga puna që bën burri. Këtë temë e ka trajtuar edhe një avokate amerikane, e cila merret kryesisht me divorcet.

Rreth 35.000 njerëz e ndjekin atë në TikTok dhe në video ajo tha se gjatë studimeve e ka kuptuar se puna e një burri mund të jetë një pengesë e madhe në martesë. Edhe pse ky fakt asaj i dukej i pasaktë në atë kohë, avokatja u bind për të kundërtën me përvojën e saj.

Ajo zbuloi se janë pesë profesione me të cilat merren burrat dhe që nuk do të kenë një efekt të mirë në martesë. Ajo renditi zjarrfikësit, pilotët, policët, ushtarët dhe kirurgët si profesione.

“Ata ndihen si zot”

“Çfarë kanë të përbashkët këto profesione? Për shkak të tyre, burrat ndihen si zot në profesionin e tyre”, thotë avokatja, duke aluduar se kompleksi i narcisit në disa profesione është një problem që bartet në sferën martesore.

Lexo po ashtu Me këto katër shenja e lini atë të kuptoj se jeni e gatshme për martesë

Partneri i narcisit nuk ka të drejtë për dëshirat dhe nevojat e veta dhe nëse ia kërkojnë, marrëdhënia ndërpritet automatikisht. Marrëdhëniet e tyre janë të stuhishme, impulsive, jetëshkurtra, pasionante, pa emocione dhe lidhje, të cilat patjetër do të rezultojnë në një martesë të pasuksesshme dhe divorc. /Telegrafi/