Merret vendimi për Theo Hernandez dhe Mike Maignan – gjobë e rëndë edhe për Genona

Trupi gjykues sportiv i Serie A ka publikuar raportin e tyre për raundin e fundit të ndeshjeve, duke konfirmuar se Theo Hernandez dhe Mike Maignan do të humbasin ndeshjen e ardhshme të Milanit me Juventusin.

Kuqezinjtë kaluan në vendin e parë në tabelën e Serie A këtë fundjavë pasi morën një fitore dramatike 1-0 ndaj Genoas, një ndeshje që pa dy kartonë të kuq, një gol në minutat e fundit dhe sulmuesin Olivier Giroud që u fut në portë.

Milani ka një provë të vërtetë menjëherë pas pushimit ndërkombëtar, duke pritur Juventusin në ndeshjen e parë më 22 tetor.

Lexo po ashtu Ishin në shitje fanellat e portierit me emrin e Giroud - francezi po vazhdon me sensacion te Milani

Rezultati i kësaj përplasjeje mund të jetë kyç ndërsa zhvillohet gara për titull.

Siç u konfirmua sot nga trupi gjykues sportiv, Hernandez dhe Maignan janë pezulluar për përballjen e Milanit me Juventusin, me të parin që ka marrë kartonin e pestë të verdhë të sezonit dhe ky i fundit ka kryer një ‘faull të rëndë’ në fitoren ndaj Genoas.

Rossoblu u gjobit gjithashtu me 7000 euro, pasi tifozët e tyre hodhën objekte në fushë gjatë humbjes nga kuqezinjtë. /Telegrafi/

Giudice Sportivo: una giornata a Maignan, salta la Juve come Theo. Squalifica per Sarri https://t.co/R5T5pRAHhe

— calciomercato.com (@cmdotcom) October 10, 2023