Mercedes prezanton konceptin EQG – versionin elektrik të G Class

Kur në janar të vitit 2018, në panairin e veturave në Detroit debutoi modeli aktual i Mercedes G Class, nga prodhuesi gjerman është paralajmëruar se me elektrifikim nënkupton edhe modeli për terrene malore që prodhohet nga viti 1979.

E këto ditë është përmbushur premtimi nga viti 2018. Mercedes në panairin e Minhenit ka prezantuar konceptin EQG, përkatësisht G Class elektrik, transmeton Telegrafi.

Dizajni nuk është se ka ndryshuar shumë krahasuar me modelin standard, kështu vetura në shikim të parë dihet se për çfarë modeli bëhet fjalë.

Nga versioni me motorin SUS, dallon nga ana vizuale me disa detaje stilistike si rrjedhojë e “karakterit elektrik” të konceptit EQG.

Është ruajtur edhe konstruksioni bazë me shasi klasike, e për të pasur disa përparësi kjo veturë për terrene malore ka pësuar disa modifikime.

Në fakt EQG përdor katër motor elektrikë, që janë të vendosur në afërsi të rrotave.

E nga Mercedes ende nuk kanë zbuluar specifikacione teknike të këtij mjeti, pavarësisht që është konfirmuar që EQG ka një bagazh prej 463 litrave dhe se nga shiriti prodhues i fabrikës do të del me rrota prej 22 inçëve. /Telegrafi/