Mënyra se si po vepron Man City me Cancelon ia vështirëson planet e transferimeve Barcelonës

Barcelona është e prirur të mbajë të huazuarin e Manchester Cityt, Joao Cancelo gjatë verës, por duket si një objektiv i ndërlikuar.

Këtë javë u raportua se klubi katalunas dëshiron që portugezi të kthehet tek Citizens këtë verë, pasi nuk ka fondet në dispozicion për t’iu kushtuar nënshkrimit të tij, siç është rasti me Joao Felix. Megjithatë, informacionet e Sport thonë se Barcelona dëshiron të përdorë burimet që ka për një krah të majtë dhe një mesfushor qendror dhe shpenzimet në pozicionin e mbrojtësit të djathtë nuk janë në planet e tyre verore.

Lojtari deklaroi të enjten në mbrëmje se ai dëshironte të vazhdonte në Kataluni sezonin e ardhshëm, por Manchester City po mendon vetëm një shitje për 29-vjeçarin në këtë moment. Synimi i tyre është të marrin 40 milionë euro për të këtë verë, dhe ata presin oferta nga Liga Premier dhe Arabia Saudite.

Lexo po ashtu Katër largimet që Barcelona i ka planifikuar në verë

City dëshiron që Cancelo të shkojë te ofertuesi më i lartë, dhe ndërsa drejtori sportiv Deco ka thënë gjithashtu se ata duan të vazhdojnë me Cancelon, mendja e tij mund të ndryshojë nga një ofertë në verë – nëse është kështu, Blaugranët kanë pak shanse për të.

Rruga e tyre e vetme për ta mbajtur atë, siç detajohet në gazetën katalanase, është nëse agjenti Jorge Mendes e bind Cityn të pranojë një tjetër huazim me një opsion për të blerë verën e ardhshme, por nëse ka oferta të tjera, atëherë City do t’i pranojë ato së pari. Vetëm nëse Cancelo është i bindur për një rikthim në Barcelonë, dhe City nuk sheh rrugë tjetër largimi për të, Mendes duket sikur mund të arrijë një marrëveshje.

Verën e kaluar, Arsenali thuhet se shkoi për Cancelon, por portugezi ishte i gatshëm të priste Barcelonën. Nëse Blaugranasit nuk mund të llogarisin te Cancelo sezonin e ardhshëm, atëherë të huazuarit e rikthyer Julian Araujo dhe Sergino Dest do të jenë opsione (nëse ai nuk blihet nga PSV Eindhoven), si dhe i riu Hector Fort. /Telegrafi/