Meg Ryan po i rikthehet komedive romantike, u shmang prej vitesh për shkak të operacioneve plastike

Meg Ryan, një nga mbretëreshat e komedive romantike, e cila u bë e famshme për rolet e saj në filmat “When Harry Met Sally” dhe “You’ve Got Mail”, i rikthehet zhanrit që e bëri atë yll për herë të parë në më shumë se 20 vjet.

Prej vitesh, aktorja nuk shfaqet në role të reja dhe këtë herë firmos skenarin dhe regjinë e filmit “What Happens Later”.

Meg luan Willa, e cila përfundon e bllokuar në aeroport në mes të një stuhie dëbore. Aty, pas shumë vitesh, takohet me dashurinë e dikurshme, të cilin do ta luajë David Duchovny (63 vjeç) dhe duke qenë se fluturimet janë shtyrë për një kohë të pacaktuar, ai do të ketë mundësinë të kompensojë atë që ka humbur.

Përveç luajtjes së rolit kryesor, Ryan ka punuar në film edhe si regjisore dhe ka ndihmuar në shkrimin e skenarit.

Lexo po ashtu Të gjitha lajmet nga Meg Ryan

Komedia e fundit romantike në të cilën ajo u shfaq ishte “Kate & Leopold” e vitit 2001, pas së cilës vendosi të provojë veten në zhanre të tjera.

Ai vendim nuk doli më i zgjuari, sepse filmat që ajo realizoi mezi i kalonin fitimet prej 10 milionë dollarësh. Jo vetëm që filmat nuk u përcollën mirë me audiencën, por edhe kritikët i urrenin.

Ndërkohë, aktore si Reese Witherspoon, Jennifer Aniston, Julia Roberts apo Sandra Bullock janë profilizuar si yje të komedisë.

Gjatë fillimit të viteve 2000, Meg Ryan u përfol se kishte tradhtuar Dennis Quaid (me të cilin ishte martuar për nëntë vjet) me Russell Croëe, me të cilin luajti në filmin “Proof of Life” (2000). /Telegrafi/