Poezi nga: Ilaz Hysaj

Me u zgjue
Nuk âsht si me u çue
Se njeriu qohet edhe jerum
Çohet edhe peshë
E i mshon vehtes
N’kapakun e kresë
Mos me u zgjue përjetë

Me u zgjue
Do me thanë
Me hap dritaren e trunit
Perden tu ia hjek synit
Me pa mirë se Kali që ti ushqeve
Nuk âsht ma Kali
Por âsht hamshur
Përbuzës i grazhdit të vet
Trok’ i çartun i shkelmave të tij
Kangë e moçme që vret.

Me u zgjue
S’do me thanë me u çue peshë

Me u zgjue
Do me thanë
Qafës me i hjek kërpesh…

Reklama