McGregor publikon fotografi familjare: Puna më e mirë në botë është kujdesi për familjen

Conor McGregor ka qenë kryetemë e mediave në ditët e fundit, pas sulmit që i bëri autobusit që bartte yjet e MMA para evenimentit ‘UFC 223’ në Barclays Center në Brooklyn të New Yorkut.

Sjelljet e ti të dhunshme shkaktuan lëndimin e dy luftëtarëve të UFC-së, ndërsa 29-vjeçari u arrestua nën akuzat për sulm dhe sjellje kriminale.

Lexo po ashtu Të gjitha lajmet për Conor McGregor

Irlandezi i famshëm më pas u lirua me kaucion në vlerë prej 50.000 dollarësh, ndërsa do të rishfaqet në gjykatë më 14 qershor.

https://www.instagram.com/p/BhX2u-CHK7c

Që nga ajo ngjarje, McGregor ka qëndruar i tërhequr nga syri publik, ndërsa komunikimi i vetëm ka qenë përmes rrjeteve sociale.

Ai ka publikuar në Instagram fotografi të familjes së tij që i ka shoqëruar edhe me mesazhe.

https://www.instagram.com/p/BhfUk8nHRyc

“Kam punën më të mirë në botë që është kujdesi për familjen time. Nëse të gjithë kujdesemi për tonat, atëherë jemi kujdesur për veten”, ka shkruar Conor në përshkrimin e një fotografie, në të cilën ka pozuar së bashku me të dashurën dhe djalin e tij.

McGregor është në lidhje me Dee Devlin që nga viti 2008, ndërsa djali i tyre Conor Jack McGregor Jr. ka lindur më 5 maj 2017.

https://www.instagram.com/p/Bhh91OAHEBc

Ylli i UFC-së e ka publikuar edhe një imazh të vetin që e ka shoqëruar me mesazhin: “Është vetëm një mësim nëse arrin të mësosh. Unë mësoj çdo ditë”. /Telegrafi/