Kosova ka humbur edhe Anglia me rezultat 4-0, duke e mbyllur fazën e grupeve në vendin e tretë me 11 pikë.

Ndeshja nisi më mirë për ne që provuan me Atdhe Nuhiu, por goditja e tij me kokë shkoi në duart e portierit Nick Pope.

Raheem Sterling dhe Callum Hudson-Odoi treguan se nuk do të jetë e lehtë, duke tentuar portën, të dy, por Arijanet Muriq ishte në vend.

Goli për angelzët nuk vonoi. Në minutën e 32-të anglezët shënuan. Ishte Alex Oxlade-Chamberlain që pason bukur për Harry Winks i cili i vetëm shënon për 1-0.

(Foto: Michael Regan/Getty Images/Guliver)

Kosova tentoi me Ibrahim  Dreshevic dhe Milot Rashicën, por goditjet e tyre nuk sollën sukses.

Pjesa e parë u mbyll me epërsinë e anglezëve.

Në pjesën e dytë ekipi ynë e nisi shumë mirë, duke i radhitur tastet.

Pamje e ndeshjes . (Photo by Michael Regan/Getty Images)

Në minutën e 50-të, Valon Berisha gjuan bukur, ndërsa goditja e tij devijohet nga Amir Rrahmani, por nuk kishte fat, pasi topi shkoi ngjitur me shtyllën.

Pas tre minushash edhe një herë Rrahmani në rast të mirë, por goditja e tij me kokë ishte për tu harruar.

Në minutën e 62-të ishte Harry Kane në rast të mirë, por gjuajtja e tij shkoi në shtyllë.

Harry Kane . (Photo by Michael Regan/Getty Images)

Anglia e mbylli ndeshjen në minutën 79-të kur Kane përfiton nga nja gabim i dyshes Aliti-Rrahmani, për të shënuar për 3-0.

Pas tre minutash Raheem Sterling pason bukur te Marcus Rashford i cili shënon për 3-0.

Marcus Rashford . (Photo by Michael Regan/Getty Images)

Në minutën e 90-të, një gabim tjetër në mbrojtjen tonë, kushton me gol. Dreshevic rrëshqet para porte, e Mason Mount shënon për 4-0.

Deri në fund nuk kishte më diçka për tu veçuar dhe Kosova i mbyll në vendin e tretë me 11 pikë këto eliminatore.

Kosova e ka dhe një rast të shkojë në Kampionatin Evropian, nga play-offi i Ligës së Kombeve.   /Telegrafi/