Mbrojtja e “Grupit të Kumanovës” kërkon përsëritje të procedurave gjyqësore (Video)
Avokatët e të akuzuarve për rastin “Lagja e trimave” që ndodhi më 9 dhe 10 maj të vitit 2015 në Kumanovë, paraqitën ankesa për vendimin e gjykatës së shkallës së parë. Pasi që e kanë marrë në dorë gjykimin final të shkruar në 700 faqe, pas më shumë se katër muajve që kur Gjykata Penale e Shkupit ua caktoi dënimet 38 të akuzuarve për ngjarjet, ankesat janë paraqitur në Gjykatën e Apelit.
“Të gjitha ankesat nga pala mbrojtëse janë paraqitur. Sipas Ligjit për procedurë penale tani presim të shohim nëse prokuroria do të përgjigjet në lidhje me ankesat. Në atë interval prej 8 ditëve presim që kjo lëndë e cila me të vërtetë është e vëllimshme, të dërgohet deri tek Gjykata e Apelit në Shkup”, tha Naser Raufi, avokat.
Në ankesat, siç thonë, kanë paraqitur lëshime serioze të cilat janë bërë në procedurën e cila zhvillohej para gjykatës së shkallës së parë. Ata kërkojnë tërheqje të gjykimit dhe përsëritje të procedurës.
“Ne seriozisht kemi alarmuar për mënyrën se si udhëhiqej procedura në gjykatën e shkallës së parë dhe shpresoj se gjykatat më të larta, Gjykata e Apelit në mënyrë serioze do ti shqyrtojë alarmimet tona në lidhje me lëshimet e bëra nga ana e gjykatës së shkallës së parë. Kërkojmë anulim të vendimit dhe lënda të kthehet përsëri në gjykatën e shkallës së parë për tu marrë vendim i ri”, tha Asmir Alispahiq, avokat.
Vitin e kaluar në nëntor, Gjykata Themelore Shkupi 1 për rastin “Lagja e trimave” caktoi tetë dënime me burg të përjetshëm. Trembëdhjetë të akuzuar u dënuan me burgim prej 40 viteve, gjashtë me burg prej 20 viteve një i akuzuar u dënua me 18 vjet burg, dy persona me 14 vjet burg, dy me nga 13 vjet, ndërsa katër persona për shkak të mungesës së dëshmive u liruan. Për 16 të akuzuar, gjykata caktoi dënimin – dëbim të të huajve përgjithmonë nga territori i Republikës së Maqedonisë. Kundër këtij vendimi u organizuan protesta në Shkup dhe në disa qytete në Kosove./TV21/
Lufta Prigozhin - Putin
Më shumëAnëtarësimi i Kosovës në KiE, Vuçiq thotë se lobi i Knausit dhe britanikët po përpiqen të bëjnë "një truk” tjetër
Escobar: Është dashur të insistojmë më shumë në zbatimin e Asociacionit
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
Knaus: Komiteti i Ministrave të caktoj një mbledhje të jashtëzakonshme brenda disa jave, të votojë aplikacionin e Kosovës pasi të ketë ecur përpara me çështjen e Asociacionit
Sfidat dhe përgjegjësia e mediave në gjuhën serbe në Kosovë, flasin Zulfija Jakupi e Isak Vorguçiq
Rama i përgjigjet deklaratave të Vulin
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë