Mbretëresha e muzikës shqipe, Nexhmije Pagarusha feston ditëlindjen e 85-të

Nexhmije Pagarusha ka një arsye më tepër për të festuar gjatë gjithë ditës së sotme.

Këngëtarja feston përvjetorin e 85-të të lindjes, e cila ka një karrierë të bujshme për tërë këto vite. Ikona e muzikës shqipe lindi në fshatin e Pagarushës, në afërsi të qytetit të Malishevës .

Këngëtarja mbaroi shkollën fillore në Malishevë dhe pastaj vijoi në Beograd, ku u shkollua për tre vjet në shkollën e muzikës, në seksionin e këngës solo. Ajo filloi karrierën muzikore si këngëtare në Radio Prishtinë në vitin 1948.

Puna e saj krijuese muzikore ka zgjatur pothuajse 50 vjet dhe për shkak të kontrastit në zhanret që ajo ka performuar, nuk është e lehtë të kufizohet se cilit zhanër i takon.

Ajo quhet Bilbili i Kosovës, mbretëresha e muzikës shqiptare, Madam Butterfly dhe disa epitete tjera. ”Baresha” është një ndër kryeveprat e interpretimit të saj, e cila ishte shkruar nga tekstshkruesi Rifat Kukaj.

Në vitin 2000 këndoi një këngë të quajtur Për Ty (“Për ty”) në një shfaqje televizive shqiptare, pas 16 vjet mungese.

Tani punon si këshilltare e lartë për muzikë në Radio Kosova dhe në Radio Blue Sky, të dyja të vendosura në Prishtinë.

Ajo u nderua me çmimin “Nderi i Kombit” nga presidenti shqiptar Bujar Nishani në nëntor 2012. /Telegrafi/