Eksperti mjeko-ligjor Arsim Gërxhaliu ka treguar se çfarë inspektimi kanë bërë sot në Beograd lidhur me mbetjet mortore të rasteve të Rrezallës që ishin gjetur në Kizhevak të Serbisë.
“Sot u bënë ribashkimet e fundit për secilin trup në të cilin është punuar dhe janë gjetur në Kizhevak dhe ato janë të gatshme për transport dhe riatdhesim në atdhe. Janë disa procedura të cilat janë administrative dhe lutja jonë ishte që t’i kthejnë sa më shpejt në Kosovë dhe shpresoj që nga fundi i javës së tjetër do t’i kthejmë, por varet nga procedurat administrative të Serbisë”.
“Sot morëm edhe rezultatet e ADN-së përmes Kryqit të Kuq Ndërkombëtar. Bëhet fjalë për shtatë identifikime të reja dhe dy ribashkime. Te ribashkimet bëhet fjalë për ribashkimin e pjesëve të trupave të rasteve të cilat i kemi gjetur në vitin 2014 në Rudnicë. Do t’i takojnë personave të cilët janë dorëzuar më herët”, tha ai për Klan Kosova.
Gërxhaliu ka treguar se pse ndodh që mbetjet mortore të një trupi gjenden në vende të ndryshme dhe të njëjtat duhet të ribashkohen.
“Ne e dimë se çfarë ka ndodhur në Kosovë. Fillimisht viktimat janë vrarë në Kosovë dhe në shumicën e rasteve janë varrosur në Kosovë dhe pastaj janë zhvarrosur për t’u fshehur gjurmët e krimit ku gjatë tërheqjes janë përdorur eskavatorë. Luga e eskavatorit ka marrë një pjesë të trupit dhe më pas mbetjet janë hudhur nëpër kamionë e më pas me shpejtësi kanë vepruar që t’i fshehin rastet. Është një veprim i shkapërderdhjes dhe fshehjes së gjurmëve të krimit. Këtë e kemi ditur që nga fillimi që në Kizhevak mund të gjejmë mbetje mortore që ndërlidhen me Rezallën, sepse Kizhevaku ndodhet në afërsi të Rudnicës”.
“Këtë veprim e kemi hasur edhe më herët ku ka pasë rast ku kemi gjetur një pjesë të trupit nga rajoni i Prizrenit në Batajnicë, një pjesë tjetër në Vërmicë në kufi me Shqipërinë derisa pjesa tjetër ka mbetur te poligoni i gjuajtjes në Prizren ku është pushkatuar e ai trup edhe më tutje nuk është i kompletuar”.
Arsim Gërxhaliu, të cilit i ka skaduar mandati si drejtor i Institutit të Mjekësisë Ligjore, ka thënë se ky inspektim nuk do të jetë i fundit i tij si ekspert mjeko-ligjor në identifikimin e mbetjeve mortore të personave të vrarë gjatë luftës së fundit në Kosovë.
“Këtë mision nuk e kam përfunduar dhe normal që do të vazhdoj derisa të mundem ta japë kontributin tim. Vendimi për emërimet në grupet punuese për të zhdukurit në komisionin qeveritar dhe grupin dialogues është lëshuar para dy muajsh dhe me është thënë se duhet të jem edhe më tutje atje dhe të jem përgjegjës për pjesën mjeko-ligjore sa i përket çështjes së të zhdukurve”, tha ai.
Lufta Prigozhin - Putin
Më shumëNga Rubrika
Të dëmtuarit thonë se i akuzuari Bajroviq së bashku me paramilitarët e tjerë i kishin maltretuar gjatë luftës
Inspektorati i Prishtinës në aksion, shqipton gjoba e konfiskon targa
40 studiues shqiptarë dhe të huaj kërkojnë nga qeveria shqiptare mbrojtjen e Deltës së Vjosës
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
A do t'i "shpëtojë" Albin Kurti Asociacionit të komunave me shumicë serbe, flasin analistët
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Ndalohet një shtetas i Kosovës në Maqedoni, kërkohej nga Interpoli
Kurti takon ministren e Jashtme gjermane, falënderon Gjermaninë për mbështetjen e Kosovës drejt anëtarësimit në KiE
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë