Quhet Fatlum Xhemajli. Por, thotë se prindërit i kishin vënë emër të gabuar. “Jeta ime ka shkuar për të keq”, shprehet Fatlum, të cilin nga janari i këtij viti Adnan Hyseni së bashku me këngëtarin Labinot Tahiri e vendosën në një banesë për të pasur një strehë të përkohshme.
“Ditë më parë Adnani më tha se pronari i banesës ka kërkuar t’ia lirojë banesën, dhe se më datën 28 shtator banesa duhet të jetë e lire”, rrëfen ky hallexhi, të cilit e tërë periudha e pasluftës i ka shkuar në shtëpitë e huaja nga një derë në tjetrën dhe nga një lagje në tjetrën.
“Kjo është shtëpia apo banesa e dymbëdhjetë që nga paslufta. Mu ka mërzitur shpirti, duke dalë nga shtëpia në shtëpi me këta dy fëmijë “, thotë bashkëshortja e Fatlumit – Samilja dhe shton se i janë shumë mirënjohës edhe pronarit edhe Adnanit, që i sollën këtu dhe ua siguruan për nëntë muaj strehën mbi kokë.
Samilja tani nuk di nga t’ia mbajë.
“Kemi vajzën 17-vjeçare, nxënëse e shkëlqyer në Gjimnazin ‘Bedri Pejani’ dhe djalin 13-vjeçar në klasën e shtatë, të dy nxënës të shkëlqyer. I kemi rritur në shtëpi të huaja dhe si t’u dal tani parasysh e t’u them se duhet të largohen edhe nga ky vendbanim”, shprehet ajo.
Ndërsa Fatlumi thotë se ishin së bashku me bashkëshorten e tij te kryetari i Komunës së Pejës, Gazmend Muhaxheri, duke i kërkuar që t’ua bëjnë një zgjidhje, ose së paku t’ia paguajë komuna qiranë, sepse jemi në prag të dimrit.
“As unë e as shoqja nuk kemi punë dhe jetojmë nga ndihma sociale prej 65 eurove dhe nga ndonjë punë që mund ta gjej unë apo shoqja. Po të isha në punë nuk do të kërkoja asgjë, por kryetari Muhaxheri më tha se nuk ka mjete dhe u lut për mua, duke më thënë: ‘Zoti ta bëftë çaren'”, shpjegon Fatlumi.
“Kjo është e tëra që kryetari Muhaxheri bëri për mua, për fëmijët e mi”, thekson Fatlumi.
“Kryetari ishte dashur të më ndihmojë për të bërë ndonjë zgjidhje për familjen time, dhe se nuk ka nevojë që ai t’i lutet Zotit për mua, këtë mund ta bëjë vetë”, shprehet ai.
“Nuk kam lënë derë pa trokitur për të gjetur ndonjë punë për ta mbajtur familjen, por as pushteti i mëparshëm e as ky i tanishmi nuk më kanë bërë ndonjë zgjidhje për të ma gjetur ndonjë vend pune. Kam 50 vite moshë dhe punëdhënësit privatë po hezitojnë që të më marrin në punë, kur e kanë tërë këtë armatë të rinjsh të papunë, nga të cilët mund të zgjedhin më të mirët. Kujt i duhem unë në moshën 50-vjeçare”, ankohet Fatlumi.
Thotë se, krahas asistencës sociale, të vetmin burim të ardhurave e ka nga shitja e gjakut. “Prejse ngela pa punë, kam dhënë gjak 25 herë pas luftës”, thotë ai./Kosova Sot/
Promo
Reklamo këtuLufta Prigozhin - Putin
Më shumëAnëtarësimi i Kosovës në KiE, cilat janë vendet skeptike që duan fillimisht asociacionin?
Konkursi i dyshimtë i Policisë, IPK: Do t’i verifikojmë informatat
AGK-ja dënon intimidimin publik të deputetit Dimal Basha ndaj gazetares së RTK-së
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Drejtori i RTK-së: Gjuha e përdorur nga deputeti Dimal Basha, e papranueshme
Çfarë pyetje u bëhen qytetarëve në diasporë për regjistrim?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe