Në vitin 1999, Arkivi Kombëtar Britanik, pas 100 viteve ua hoqi embargon dokumenteve të Shërbimit Sekret Britanik që kanë të bëjnë me Margaretha Zelle-n. Kjo ishte gruaja që bota ndryshe e njihte si Mata Hari e më shumë si valltare, kurtizanë dhe spiune.
Dokumentet arkivore britanike kanë bërë me dije se Mata Hari dyshohej nga shumë shërbime sekrete evropiane për spiunim gjatë Luftës së Parë Botërore. Shërbimi Sekret Britanik dy herë e kishte marrë në pyetje, por asnjëherë nuk gjeti asgjë inkriminuese. Ekzistonin fakte se Mata Hari kishte marrë para nga gjermanët, por kurrë nuk kishte vepruar sipas ‘pazarit’.
Në fillim të vitit 1917, një gjykatë në Paris, e përbërë kryesisht nga ushtarakët, e shpalli fajtore Mata Harin në tetë akuzat që iu kishin ngritur. Në fakt, asnjë nga akuzat nuk e dëshmuan fajësinë, por ajo u dënua me vdekje. Hulumtuesit e kësaj teme bëjnë me dije se Mata Hari do të mund të dënohej për amoralietet apo për gjithçka, por jo për spiunim se nuk kishte fakte.
Kjo është tema e romanit të Paulo Coelho-s me titull: “The Sp” (Spiunia). Coelho e fillon rrëfimin e romanit nga momenti kur Mata Hari, së bashku me disa gra tjera, nxirret nga burgu dhe ekzekutohen nga një njësi ushtarake për pushkatime. Në formë të një letre të saj, Coelho e vënë lexuesin në binarë të udhëtimit nëpër këtë roman, i cili, sikur edhe veprat tjera të tij, lexohen me një frymë.
Coelho i ka shfrytëzuar të dhënat e arkivit britanik për të krijuar tregimin të cilin e rrëfen me gojën e Mata Harit. Thënë ndryshe, shkrimtari këtu është vetë personazhi (Mata Hari).
Coelho vërtetë është i mahnitshëm. Janë të paktë shkrimtarët që kanë ndikuar në mënyrë pozitive të lexuesit në këtë botë sikur Coelho. Askush nuk e afron njerëzimin mes veti më shumë se ky shkrimtar. Te Coelho nuk ekziston dallimi në mes kombeve, ngjyrave dhe religjioneve të njeriut, rajoneve, kontinenteve… Ekziston vetëm e keqja dhe e mira apo abuzuesi dhe viktima.
Mata Hari, e cila është akuzuar si grua e pamoralshme me profesionin e saj të valltares dhe kurtizanës, akuzohet edhe për spiune. Në fakt, Mata Hari në këtë roman është viktimë e sistemit të vlerave të atëhershme – viktimë e mashkujve. Ajo dhunohet kur ishte vajzë e mitur nga drejtori i shkollës dhe kjo gjë, pasi që më nuk ishte e virgjër, e detyron të martohet me një oficer që ishte së paku një herë më i moshuar se ajo. Burri e keqtrajton vazhdimisht, derisa ajo vendos të largohet nga ai dhe ta jetojë jetën e saj, duke i shfrytëzuar përparësitë e burrave, që i solli famë botërore.
Pastaj u bë dashnore e një numri të madh të njerëzve të fuqishëm me pushtet dhe me para. Coelho na tregon se Mata Hari, duke u viktimizuar, ishte partizane e çlirimit të gruas që filloi me ardhjen e shekullit XX. Por, burrat ishin ata që e akuzuan dhe e dënuan. Ajo qëndroi stoike edhe para vdekjes të cilën nuk e meritoi ashtu siç i ndodhi. Jeta dhe vdekja e Mata Harit në këtë roman është protestë e gruas kundër shoqërisë mujshare mashkullore. /Telegrafi/
Lufta Prigozhin - Putin
Më shumëParaqitja e tmerrshme e Mbretëreshës së ndjerë flet për fundin e epokës së statujave
INTIME
“Liria e së nesërmes”: A e njeh ky njeri rrugën e paqes mes Izraelit dhe Palestinës?
Karnavalet, origjina dhe domethënia
Harta e shteteve të Evropës, gjatë 2400 vjetëve
Fillimet romantike të Naim Frashërit dhe novela “Katër stinët”
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre