Kombëtarja e Argjentinës është eliminuar nga Kampionati Botëror Rusia 2018 në 1/8 e finales.
Argjentinasit pësuan humbje 4-3 nga Franca në një ndeshje spektakolare.
Për këtë eliminim të Argjentinës ka folur edhe legjenda e tyre Diego Armando Maradona.
Maradona ishte i pranishëm në të gjitha sfidat e Kombëtares së tij duke i dhënë mbështetje të madhe.
Por ish-anëtari i Napolit i ka dalë në mbështetje Lionel Messit, duke thënë se pa të Argjentina do të ishte një Kombëtare modeste.
Messi dhe Maradona (Getty Images)
“Messin e kam parë të vetëm. E lanë të luanin edhe si nëntëshe fals por askush nuk e shërbeu në zonë dhe u detyrua të rikthehet sërish për ta marrë topin”.
“Ka bërë asistim ka tentuar golin dhe ka dhënë gjithçka nga vetja”, u shpreh Maradona.
“Me përjashtim të Messit, nëse e heqim atë nga Kombëtarja atëherë jemi një ekip modest”, përfundoi legjenda argjentinase.
Pritshmëritë për Argjentinën ishin që Kombëtarja e udhëhequr nga Jorge Sampaoli të arrinte së paku deri në gjysmëfinale. /Telegrafi/
