Maqedoni: Rriten çmimet e materialeve shkollore për nxënësit

Datën 1 shtator e presin shumë nxënës filloristë, por edhe prindërit e tyre, të cilët do ta presin vitin shkollor me një buxhet familjar dukshëm më të varfëruar.

Viti shkollor fillon për dy javë, ndërsa për furnizimin me mjete shkollore, tregtarët thonë se çmimet këtë vit janë më të larta.

Libraritë thonë se çmimet e materialeve shkollore janë rritur nga 50 deri në 60 për qind krahasuar me vitet e kaluara, pra para fillimit të pandemisë.

Sipas llogaritjeve, prindërve do t’u nevojiten rreth 6000 denarë për të blerë mjete shkollore për t’i përgatitur nxënësit e klasës së parë për të shkuar në shkollë.

Në vazhdim mund të lexoni një çmimore të nxjerrë nga mesatarja e çmimeve që aktualisht ofrojnë libraritë në Maqedoninë e Veriut:

Çanta shpine nga 3000 deri ne 1000 denarë

Fletore nga 80 deri 15 denarë

Goma nga 50 deri 15 denarë

Stilolapsa nga 250 deri në 100 denarë

Ngjyra tempera nga 300 deri ne 100 denarë

Komplet veglash nga 1800 deri 500 denarë

Ngjyra uji nga 150 deri ne 70 denarë

Bllok për vizatim nga 30 deri në 20 denarë

Furça për ngjyrosje nga 100 deri në 50 denarë