80 deputetë të Kuvendit të Kosovës votuan pro demarkacionit me Malin e Zi, pasi presidenti i vendit Hashim Thaçi nënshkroi një deklaratë me homolgun e tij malazez ku pas ratifikimit në Kuvendin e Kosovës, dy shtetet do formojnë një “Trup të Përbashkët Punues” që do të rishikojë kufirin.
Formimin e një Trupi saktësisht të njejtë në emërtim dhe detyra, e parashihte edhe neni 7 i marrëveshjes së demarkacionit, që Thaçi e ka nënshkruar në gusht të vitit 2015 si zv.kryeminsitër. Veçse kur e përdori këtë nen, si deklaratë presidentësh, ia shtoi një melmesë: një pjesë ku përmendet Çakorri dhe Kulla e Zhlepit
Nënshkrimi i Hashim Thaçit është i vetmi që do të vendoset në tri dokumentet kruciale në shënimin e kufirit me Malin e Zi. Në gusht të vitit 2015, si zv.kryeminsitër i Kosovës dhe ministër i Punëve të Jashtme nënshkroi Marrëveshjen për Kufirin Shtetëror ndërmjet Republikës së Kosovës dhe Malit të Zi dhe tri vite pas, si president nënshkroi një “deklaratë” që garantoi ratifikimin e saj në Kuvend. E që marrëveshja si ligji të hyjë krejtësisht në fuqi, duhet ta nënshkruaj presidenti. I njejti nënshkrim. I Hashim Thaçit.
Si ministër i Jashtëm dhe President, Thaçi bëri një betejë të vazhdueshme për ta bindur Kuvendin mes kundërshtimeve të ashpëra të opozitës kundër marrëveshjes që e nënshkroi më 2015, por tri vite më vonë si president arriti t’i bindë 80 deputetë se Kosova ka një mundësi rishikimi të kufirit, përmes një deklarate të përbashkët me presidentin malazez Filip Vujanoviq.
Presidentët u zotuan se pas ratifikimit do të formohet një Trup i Përbashkët Punues. Deputetët e LDK-së që nuk e votonin demarkacionin e Qeverisë së liderit të tyre Isa Mustafa duke shprehur dyshime se Kosova po humbiste territor dhe deputetët e AAK-së e NISMA-s që kundërshtonin me gaz në Kuvend e protesta në rrugë, u bindën me “Trupin e Përbashkët Punues”.
Një Trup saktësisht i emëruar njëjtë si në dekalratën e Thacit si president është i specifikuar në nenin 7 të Marrëveshjes së nënshkruar në gusht të vitit 2015 poashtu nga Thaçi, por si zv,kryeminsitër. Prej mënyrës se kur e si formohet ky Trup i Përbashkët Pune e deri tek përshkrimi i punës dhe qëllimi final i tij, Trupi i Përbashkët që del nga deklarata e Thaçit si president është i njejtë me Trupin e paraparë në nenin 7 të Marrëveshjes së vitit 2015.
Në vitin 2015 quhej “Trupi i Përbashkët Pune” ndërsa në deklaratën e 2018-s nga “pune”, Trupi bëhet “punues”. Por qëllimin e kanë të njejtë: të bëjë shënjimin e kufirit.
Në deklaratën që Thaçi e ka nënshkruar si president nuk jepen shumë detaje të përshkrimit të Trupit të Përbashkët Punues, por në nenin 7 të Marrëveshjes që ka nënshkruar, jepen disa informata të rëndësishme. Sipas nenit 7 ky Trup do të bëjë vendosjen e shenjave të kufirit bazuar në nenin 2 që janë kordinatat dhe hartat nga Komisionet e atëhershme të dy shteteve dhe se do tu përmbahen planeve kadastrale. Aty flitet edhe për korrigjime.
“Trupi i përbashkët i punës për shejnimin e kufirit shtetëror, do të ketë mundësi që me pëlqimine dyanshëm, të bëjë korrigjimet e nevojshme dhe të ekulibriara”, thuhet në fund të paragrafit të nenit 7, Marrëveshja 2015.
Neni 7 i Marrëveshjes që Thaçi e kishte nënshkruar në vitin 2015 nuk përmendet në deklaratën e 2018-s, edhe pse të dyja flasin për të njejtën gjë.
Në deklaratën e vitit 2018, ky Trup i Përbashkët Punues obligohet të bëjë të njejtën gjë, vetëm se për dallim nga viti 2015, tash Trupi “në mënyrë specifike do të rishiqojë dhe korrektojë sektorët në drejtim të Cakorrrit dhe Kullës së Zhlepit”.
Deklarata e shkurtit të këtij viti që ishte edhe nene të marrëveshjes së vitit 2015: Nenit 12 ku palët duhet ta lajmërojmë njëra-tjetrën se e kanë ratifikuar marrëveshjen dhe nenit 9 që i lejon Qeveritë e dy vendeve që mosmarrëveshjet t’i zgjedhin nëpërmjet kanaleve diplomatike.
Edhe paratë për punën e këtij Trupi të Përbashkët janë ndarë, bazuar në Marrëveshjen e viti 2015. Kosova ka ndarë 193 mijë euro për 8 pika të ndryshme. Shpenzimet më të mëdha do të jenë në përgatitjen dhe stabilizimin e pikave kufitare, punën e anëtarëve në terren dhe aerofotografimin e vijës kufitare, shkruan Insajderi.
Promo
Reklamo këtuLufta Prigozhin - Putin
Më shumëNga Rubrika
Babai i Vanjës me ankesë të re para Gjykatës Supreme, kërkon që t’i hiqet masa e paraburgimit
Votimi pro Kosovës në Asamblenë Parlamentare të KiE-së, Bogujevci falënderon edhe opozitën: Kur jemi bashkë mund të arrijmë shumë
Ishte raportuar i zhdukur nga familjarët, gjendet i pajetë në rezervuarin e Prrenjasit 58-vjeçari
Çka tha diplomati slloven Zhbogar në OKB që u irritua Vuçiqi?
Kërkesat e shumta për dokumente personale, MPB zgjat orarin për ofrimin e shërbimeve - do të punohet edhe të shtunave
Organizatori i protestave anti-Vuçiq në Beograd, Manojloviq: Unë jam gjallë falë besës së shqiptarit
Djegia e shtëpisë dyshohet të jetë shkaktari i vrasjes së djeshme në Pejë – viktima dhe i dyshuari ishin miq
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
KSHZ pas numërimit të 99.85% të votave, Osmani 13.36%, Taravari 9.21%
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën