Manchester United po përgatitë ofertën për transferimin e një mbrojtësi të majtë

Manchester United e ka kthyer vëmendjen te mbrojtësi i majtë Rayan Ait-Nouri i Wolverhampton Wanderers.

Sipas The Independent, menaxheri i United Ruben Amorim e ka bërë forcimin e krahut të majtë të mbrojtjes një prioritet për klubin në afatin kalimtar të dimrit.

United do të dëshironte të merrte Nuno Mendes , por ai nuk dëshiron të largohet nga PSG dhe vlerësohet në 60 milionë euro, që është shumë e lartë për Djajtë e Kuq.

Një objektiv më realist për United është Ait-Nouri, i cili mund të luajë edhe si mbrojtës anësor, një pozicion që i përshtatet taktikave të Amorimit.

Një avantazh tjetër është përvoja e Ait-Nourit në Lign Premier, që do të thotë se 23-vjeçari algjerian nuk do të kishte nevojë për kohë për t’u përshtatur.

United mbetet gjithashtu i interesuar për shokun e skuadrës së Ait-Nourit në Wolverhampton, Matheus Cunha , megjithëse Wolves nuk planifikojnë ta lënë sulmuesin brazilian të largohet në janar.

23-vjeçari Ait-Nouri ka pasur një sezon fantastik, ku në 22 ndeshje ka shënuar katër gola dhe ka asistuar në pesë të tjerë.

Gjithsesi për të arritur deri te reprezentuesi algjerian, Djajtë e Kuq duhet të shpenzojnë mbi 45 milionë euro. /Telegrafi/