Gazeta italiane Tuttosport raporton se ish-mbrojtësi i djathtë i Real Madridit, Lucas Vázquez, i është ofruar Juventusit. Juventusi është në kërkim të një mbrojtësi të djathtë krahu dhe i është ofruar ish-lojtari i Real Madridit, Lucas Vazquez, i cili është lojtar i lirë pas përfundimit të kontratës së tij me klubin spanjoll. Sipas Tuttosport, pengesa kryesore për një transferim të mundshëm është paga e spanjollit 34-vjeçar, i cili në sezonin e fundit te Real Madrid ka fituar 4.5 milionë euro në vit. Aktualisht, Vazquez nuk është objektiv prioritar për Juven, por drejtori i klubit, Damien Comolli, do ta diskutojë mundësinë e transferimit të tij me trajnerin Igor Tudor. Për krahun e djathtë janë identifikuar edhe dy alternativa të tjera: Dodo i Fiorentinës, i vlerësuar rreth 30 milionë euro, dhe Josha Vagnoman nga Stuttgart.
Portugezi iu bashkua Juventusit në janar, dhe trajneri Tudor dëshiron ta mbajë atë në ‘Allianz Stadium’, megjithatë klubi është i hapur për ta shitur për 18 deri në 20 milionë euro. Ndërkohë, Timothy Weah ka arritur marrëveshje për kushtet personale me skuadrën e De Zerbit, Marseille, e cila tashmë ka nisur negociatat me Juventusin për të përcaktuar shumën e transferimit të reprezentuesit amerikan./Telegrafi/
