Londra është një prej qendrave financiare më të rëndësishme të botës, krenohet me qiellgërvishtësit e saj të vjetër dhe me ata të rinj që janë në ndërtim e sipër.
Pavarësisht problemeve të shumta në lidhje me BREXIT-in, mania e ndërtimit të kullave të larta duket se vazhdon me ritme edhe më të shpejta se më parë. Aktualisht, londinezët janë në pritje nëse ndërtesa prej 305 metrash, e njohur ndryshe me emrin Tulipani, dizajni i së cilës ka kontestime të shumta, do të marrë apo jo miratimin përfundimtar, për të nisur punimet.
Asnjë prej qendrave financiare nuk reflekton largimin e Britanisë nga Bashkimi Evropian, por sapo Theresa May u shpreh pas Referendumit të BREXIT-it, se nuk kishte më kthim pas nga vendimi për t’u larguar nga tregu i vetëm, u duk sikur i gjithë shteti do të ndahej nga tregu i përbashkët më i madh i Evropës. Në një situatë të tillë, rregullatorët në të dyja anët e Kanalit u përpoqën shumë për të siguruar vazhdimësinë e bizneseve dhe mbi të gjitha, për të ruajtur stabilitetin financiar.
Sipas organizatës londineze New Financial, 291 firma të mëdha financiare i kanë zhvendosur aktivitetet e biznesit apo një pjesë të stafit në vendet e tjera anëtare të BE-së. Shumë plane kontigjence u hartuan përpara 29 marsit, datë gjatë së cilës mendohej se BREXIT do të kishte përfunduar. Edhe sipas EY, rreth 1.27 trilion dollarë asete janë zhvendosur nga qyteti londinez, shkruan The Economist, përcjell Telegrafi.
Për rivalët evropianë të Londrës, BREXIT shihet si një mundësi që vjen vetëm një herë në jetë dhe ndaj ata po përpiqen që t’i rrëmbejnë asaj sa më shumë biznese që të munden.
Bursa e Londrës ka zhvendosur tregtinë e obligacioneve qeveritare në Milano me vlerë tre miliardë dollarë. Edhe Amsterdami ka fituar shumë si pasojë e tregtimit të obligacioneve qeveritare dhe tregtimit të marrëveshjeve të riblerjes në euro. Këto lëvizje nuk duken aspak të nxituara. Edhe pse forma përfundimtare e BREXIT-it është e paqartë, vetëm nëpërmjet këtyre zhvendosjeve, Britania e Madhe do të vazhdojë të veprojë në tregun e përbashkët.
Në vitin 2016, 5,476 firma me seli në Britani të Madhe i ofruan shërbimet e tyre në qytete të ndryshme të BE-së, vetëm në sajë të qasjes që kishin në zonën evropiane. Ndërkohë që edhe shumë firma të tjera të Zonës Ekonomike Evropiane, ua ofruan shërbimet e tyre Britanisë së Madhe. Duke përfshirë menaxherët e aseteve, siguruesit dhe në fund edhe bankat, Britania e Madhe siguron një të katërtën e të gjitha shërbimeve financiare në vendet e BE-së. /Telegrafi/
Lufta Prigozhin - Putin
Më shumëU hap panairi Horeca, "Zgjidhje për çdo shef" - Një sinjal pozitiv për gastronominë dhe hotelerinë
Pasuria e guvernatorit të BQK-së, drejtorit ATK-së dhe drejtorit të Doganës
GoBau – Kositëse bari
KEDS: Elektroseveri ka filluar t’i vendosë njehsorët e rrymës në veri
EBC Cosmetics vjen me zbritjen më të madhe vjetore
StaffiX ofron trajnim për Bazat e Menaxhimit të Burimeve Njerëzore
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre