Lojtari i vetëm që mund ta shpëtojë Pochettinon nga shkarkimi prej Chelseat

Mauricio Pochettino po kërkon mënyra për të zhbllokuar talentin e bllokuar brenda Mykhailo Mudryk.

Ukrainasi ka pasur vështirësi që nga transferimi i tij prej 100 milionë euro në janar nga Shakhtar Donetsk, por ka filluar të duket më kërcënues në javët e fundit.

Ai u duartrokit nga tifozët pas një paraqitjeje të përmirësuar në fitoren 1-0 të Carabao Cup ndaj Brighton javën e kaluar dhe pritet të ketë një fillim tjetër, kundër Fulham, sonte.

Lexo po ashtu Pochettino u dërgon mesazh pronarëve të Chelseat pas disfatës nga Aston Villa

Një krizë lëndimesh në Chelsea e ka lënë Pochettinon pa të paktën 10 lojtarë dhe i ka dhënë Mudryk një sërë ndeshjesh për t’u rikthyer në formë.

Mudryk ka punuar pa pushim në terrenin stërvitor për të dëshmuar veten pas një fillimi dërrmues.

22-vjeçari ka vetëm një zotërim të kufizuar të anglishtes dhe përshtatja e tij në një vend të ri nuk është ndihmuar nga paqëndrueshmëria në Chelsea.

Lexo po ashtu Dalin pamjet se si bashkërponari i Chelseat ikën me nxitim nga tifozët

Pochettino është tashmë trajneri i tij i tretë në Stamford Bridge dhe besimi i tij është ulur sërish këtë sezon pasi bëri përshtypje në Kampionatin Evropian U-21 në verë.

Mudryk është një talent i bllokuar aktualisht dhe taktikisht ai nuk është ende i përshtatur me atë që kërkon Pochettino prej tij. Me gjithë driblimin dhe goditjen e tij mbresëlënëse, ai ka luftuar me detyrat e tij mbrojtëse.

Pochettino megjithatë është i bindur se anësori do të dalë mirë.

Lexo po ashtu Tashmë ka një fajtor për katrahurën te Chelsea dhe ai nuk është Pochettino

“Ai është unik”, ka thënë trajneri argjentinas. “Është një sfidë e mirë për të dhe për ne (stafi stërvitor)”.

“Misha është një lojtar shumë i talentuar, por ju duhet të shkoni me të shumë ngadalë. Ai tani po përpiqet të jetë më i hapur dhe të përpiqet të përshtatet dhe të përfshihet më shumë në çdo situatë të vetme, jo vetëm në fushë, por edhe jashtë fushës”.

“Ai po bën një përpjekje masive për të provuar të integrojë veten dhe të kuptojë më mirë se çfarë do të thotë të luash si një ekip”, ka shtuar më tej Pochettino.

Lexo po ashtu Problemi i madh me Nicolas Jackson nuk është mungesa e golave

Mudryk shpenzon orë të tëra duke punuar në aspektin fizik dhe të shpejtësisë. Ka pasur shqetësime se ai ka kaluar shumë kohë në palestër dhe Chelsea ka reduktuar seancat e tij shtesë të forcës, në një përpjekje për të ndihmuar kondicionimin e tij. /Telegrafi/