Gjendja e krijuar në UP dhe pamjet para Rektoratit dhe rreth tij ishin të padëshiruara për qytetarët e Republikës së Kosovës. Greva, protesta dhe forma tjera të mospajtimit ose kundërshtimit të studentëve bëhen edhe në vendet e zhvilluara dhe me demokraci të konsoliduara. Madje, ka raste kur edhe policia speciale detyrohet të intervenojë për t’i “çliruar” mjediset e një universiteti nga studentët e pakënaqur dhe për të mundësuar punën normale në atë universitet. Kështu ka ndodhur ndonjëherë edhe në Francë dhe në vende tjera. Edhe në ato vende ka organizata të ndryshme studentore: të majta, të djathta, revolucionare, ekstreme etj. Krejt normale.
Protesta që kemi parë këto ditë para dyerve të Rektoratit kërkesë kryesore kishte dorëheqjen ose shkarkimin e rektorit Ibrahim Gashi. Reagimet e organeve të UP-së, të Ministrisë, të partive politike, të Kuvendit të Kosovës, të medias dhe të shoqërisë civile ishin të ndryshme. Kishte nga ata që i jepnin përkrahje studentëve protestues, por kishte edhe nga ata që e kritikuan protestën dhe e quajtën si formë të papranueshme. Në fakt, në shumë debate, reagime dhe shkrime të ndryshme është “huqur” thelbi i çështjes dhe dëgjuesi ose lexuesi shpeshherë është manipuluar duke ia krijuar përshtypjen se problem i UP-së janë një grup studentësh të ndikuar ose që janë anëtarë e simpatizantë të Lëvizjes Vetëvendosje! Gjë që nuk përjashtohet të jetë e vërtetë. Në këtë grupim të protestuesve mund të ketë anëtarë dhe simpatizantë të Vetëvendosjes ose të një partie tjetër. Mund të ketë edhe të tillë që nuk janë fare studentë, mund të ketë edhe të tillë që kanë qëllime rrënuese, anarkiste etj.
Por, unë, dhe besoj edhe çdo qytetar e dashamir i UP-së dhe i Republikës sonë e ka të qartë se protesta është pasoja dhe jo shkaku. Nuk them se rektori i ri nuk bëri punë të mira gjatë një viti e ca muajve. Këshilli Drejtues dhe ky rektor morën vendim dhe ua ndërprenë kontratat e dyfishta e të trefishta shumë profesorëve; pastaj morën masa për ta “disiplinuar” regjistrimin e studentëve; nisën edhe ndalimin dhe parandalimin e shumë parregullsive që ishin bërë “rregullsi” në këtë Universitet gjatë gjithë pasluftës. Këto nisma dhe punë të mira kishin gjetur edhe përkrahjen e studentëve dhe të stafit akademik.
“Zbulimi” dhe publikimi në media se Ibrahim Gashi kishte marrë gradë akademike (profesor i rregullt) me punime të dyshimta (më duket asnjëri nga fusha e tij) dhe të botuara në një revistë fiktive, të rrejshme, “tronditi” botën akademike dhe studentore. Pajtohem plotësisht se ky “zbulim” u (sh)përdor pa mëshirë dhe pa marre edhe nga qarqe të caktuara që edhe mund t’ia kishin inat ose zili rektorit dhe atyre që e bënë rektor I. Gashin. Kjo, me thënë të drejtën, është edhe nga pak “normale” kudo në botë, por te ne manifestohet pak më vrullshëm dhe me një dozë të theksuar vulgariteti.
Megjithatë, edhe rektori duhet ta pranojë se problem (me ose pa vetëdije) i UP-së u bë vetë ai. Rektori, me publikimet e tija “shkencore” dhe me (vet)gradimin e tij u bë shkaku i gjithë kësaj zallamahie që nuk po i bënë nder as atij, as institucioneve arsimore dhe shtetërore dhe as qytetarëve tanë. Ka tre muaj që doli në media ky far marifeti i rektorit Gashi. Asnjë reflektim, veprim ose shpjegim për atë “skandal”, që sidoqoftë nuk ishte i vogël! Nëse Gashi konsideronte që nuk kishte bërë shkelje dhe se ngritja e tij akademike dhe publikimet e tij ishin konform ligjit dhe Statutit të UP-së, konform kritereve shkencore, atëherë Senati do të duhej menjëherë të merrte masat dhe ta (ri)verifikonte punën dhe gradimin e Rektorit. Nëse këtë punë nuk mundi ta bënte Senati, sepse ishte i përfshirë në atë gradim, i takonte Këshillit Drejtues që ta “detyronte” Senatin për ta përmbushur këtë detyrim akademik.
Pritja e gjatë (tremujore) acaroi gjendjen dhe krijoi njëfarë mosbesimi të studentëve, të disa profesorëve, të medias dhe të shoqërisë civile te organet e UP-së dhe te vetë Ministria. Po të ngrihej para protestave komisioni që u ngritë tash (pas protestave) për verifikimin e punimeve të Rektorit dhe të profesorëve tjerë, si dhe të revistës ku janë botuar punimet, besoj që nuk do të kishte arsye për protesta.
Kokëfortësia e Rektorit nuk i shkon për shtati dhe as për fytyre një profesori universitar. I. Gashi do të duhej të kishte më shumë konsideratë për organet e UP-së (ç’faj kishte ta zëmë KD-ja në këtë “histori” të Rektorit?), për studentët, për kolegët dhe për Ministrinë. Nuk do të duhej t’i fuste në këtë siklet. Duhej treguar më shumë kurajë qytetare dhe intelektuale. Dorëheqja nuk është dobësi, por forcë njerëzore, intelektuale, morale e qytetare. Kështu do ta lehtësonte pozitën dhe situatën e tij, por edhe të kolegëve, të organeve të UP-së, të studentëve dhe të vetë atyre që e kanë bërë rektor. Si duket rektorin e ka mundur logjika e mbrapshtë, që na shoqëron shpesh ne shqiptarëve: “e djegë veten të faroj ty”! Dorëheqja me kohë do ta shpëtonte nga djegia vetë rektorin, i cili nuk do të kishte nevojë ta faronte askënd. Me të drejtë a pa të drejtë, me faj a pa faj të mbeti në dorë, prandaj ikë një orë e më parë, sepse tashmë je i vonuar…
Lufta Prigozhin - Putin
Më shumëPse Mali i Zi votoi kundër Kosovës në KiE, flet Dritan Abazoviq
Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët
Aktivisti i PSD-së i shkon në tavolinë deputetit të LVV-së: A po ju vjen marre që e pranuat "Zajednicën", për Këshillin e Evropës...
Ukrainasit rrëzojnë aeroplanin ushtarak rus që kushton gati 80 milionë euro
Dodik kërkon dëbimin e ambasadorëve të SHBA-së, Britanisë dhe Gjermanisë nga Bosnja
Vrasjet e fundit, ekspertët tregojnë lagjet më problematike të Prishtinës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes