Liverpooli mund të mbetet pa dy yje: Jo vetëm Henderson drejt Arabisë Saudite, edhe Fabinho ka ofertë

The Athletic raporton se Al-Ittihad ka dërguar një ofertë zyrtare në Liverpool për mesfushorin brazilian Fabinho, ku thuhet se shuma është mbi 45 milionë euro.

Gazetari David Ornstein, deklaron se situata do të zgjidhet së shpejti “në një mënyrë ose në një tjetër” dhe se problemi më i madh për Liverpool është fakti që ata nuk duan ta lënë lojtarin të shkojë pa një zëvendësues specifik.

Më tej ai thotë se Reds duan të sjellin në radhët e tyre lojtarin e Southampton, Romeo Levia, por se marrëveshja ende nuk është as afër realizimit dhe se është vetëm një “opsion”.

Gjithashtu, kishte informacione se një tjetër skuadër nga Arabia Saudite, konkretisht Al-Ettifaq, që do të drejtohet nga Steven Gerrard, dëshiron të sjellë kapitenin e Liverpoolit, Jordan Henderson.

Sauditët i ofrojnë Hendersonit afër 40 milionë euro në sezon, që është pesë herë më shumë se sa fiton në Liverpool (tetë milionë euro), gjë që me shumë gjasë do ta pranojë.

Lexo po ashtu Henderson pranon ofertën e lartë të Al Ettifaq

Henderson është në Liverpool që nga viti 2011, dhe ka luajtur 492 ndeshje deri më sot dhe në vitin 2015 pasoi Steven Gerrard në rolin e kapitenit. /Telegrafi/