Qytetet më të sigurta në botë: Në 10 vendet e para, vetëm tre janë nga Evropa

Kopenhaga është shpallur qyteti më i sigurt në botë, sipas hulumtimit të revistës Economist.

Në listën e qyteteve më të sigurta në botë nga revista Economist, kryeqyteti i Danimarkës shënoi 82.5 nga 100 pikë. Menjëherë pas Kopenhagës renditet Toronto dhe Singapor, shkruan CNBC.

Në edicionin e tij të katërt, përveç kategorive të dixhitalit, shëndetit, infrastrukturës dhe sigurisë personale, ‘Indeksi i Sigurisë Urbane’ (shkenca) për herë të parë përfshin faktorin e sigurisë mjedisore, i cili u shtua në përgjigje të ndryshimeve globale të klimës.

#Toronto came second in our #SafeCitiesIndex 2021, it is also 2nd on the new environmental security pillar. How safe is your city in terms of #sustainability issues and climate adaptation measures? Learn more >https://t.co/nAQHAthwo6 via @NEC pic.twitter.com/PBYeHsqw6L

— Economist Intelligence: EIU (@TheEIU) August 23, 2021

Plot 60 qytete u renditën, sipas 76 faktorëve të sigurisë, për të marrë një pamje të sigurisë urbane botërore. “Pandemia e COVID-19 ka prekur jo vetëm sigurinë globale të shëndetit, por edhe nocionin e sigurisë urbane, si dhe të gjitha aspektet e tij”, tha drejtori i këtij projekti, Pratima Singh.

Lista e dhjetë qyteteve më të sigurta në botë: Kopenhaga (Danimarka), Toronto (Kanada), Singapor, Sidney (Australia), Tokio (Japonia), Amsterdam (Holanda), Wellington (Zelanda e Re), Hong Kong, Melbourne (Australia) dhe Stokholm (Suedia).

Qytetet më të pasigurta në botë janë: Lagos (Nigeri), Kajro (Egjipt), Karakas (Venezuela), Karaçi (Pakistan) dhe Rangoon (Mianmar).

Singh tha se këta tregues duhet t’i kujtojnë qeverive nevojën për investime shtesë në masat e sigurisë, veçanërisht në vendet e paqëndrueshme politikisht dhe ekonomikisht. /Telegrafi/