Linda Halimi merr nënshtetësi amerikane

Këngëtarja e njohur shqiptare, Linda Halimi, ka më shumë se një dekadë që është larguar nga Kosova.

Ajo u martua me reperin Big D, emri i vërtetë i të cilit është Davon Edwards.

Së bashku ata kanë një vajzë, e cila erdhi në jetë vitin e kaluar dhe të cilën çifti kanë vendosur ta pagëzojnë me emrin Kaimana.

Lexo po ashtu Të gjitha lajmet nga Estrada Shqiptare

Por vetëm të mërkurën e datës 23 janar, Linda Halimi arriti që të marrë nënshtetësinë e shumëdëshiruar amerikane, pas një jetese të gjatë në kontinent.

Këtë gjë e bëri të ditur vet Linda përmes disa imazheve të publikuara në InstaStory, ku tregonte se kishte shkuar në Zyrën Amerikane të shërbimeve të nënshtetësisë dhe emigracionit – vend në të cilin ajo ka bërë betimin.

Më vonë, Halimi publikoi edhe një fotografi në rrjetin social Instagram, ku shfaqej duke pozuar krah bashkëshortit dhe vajzës së saj, ndërsa gëzonte nënshtetësinë e re.

“Zyrtarisht një amerikano-shqiptare”, shkroi këngëtarja me prejardhje nga Vitia në mbishkrimin e fotografisë.

https://www.instagram.com/p/B7olldwBRF6/

Ndërkohë, të shumta kanë qenë komentet nga ana e ndjekësve të saj, të cilët e kanë uruar këngëtaren. /Telegrafi/