Në 20 vjetorin e rënies, përmes një akademie përkujtimore janë përkujtuar martirët e masakrës së fshatit Burim të Malishevës, ku u vu edhe gurthemeli i kompleksit memorial të masakrës në këtë fshat.
Me këtë rast, drejtësi për masakrat e kryera nga paramilitarët serbë, kërkoi zëvendëskryeministri i Kosovës, Fatmir Limaj, i cili tha se institucionet e Kosovës janë para një sprove të madhe.
Ai tha se duhet të hetohet e të ndjekan kryerësit e të gjitha masakrave anë e kënd Kosovës.
Duke folur për masakrën e Burimit, Limaj tha se sot e 20 vite më parë, populli i Kosovës kishte ballafaqimin përfundimtar me forcat serbe. Ai tha se duke ruajtur kujtimin për të kaluarën, ndërtohet e ardhmja, teksa shtoi se u mbetet djemve e vajzave të reja që të ujitin lirinë e fituar me kaq shumë mund.
Limaj u shpreh se Lapusha, historikisht, ka ditur në momentet më të rëndësishme të kombit të rreshtohet drejt dhe asnjëherë të mos humbë hapin drejt lëvizjeve kombëtare për lirinë e popullit tonë.
“Ky monument sot tregon para së gjithash se ne kujtojmë dhe nderojmë të kaluarën tonë. Ky monument më tepër na duhet neve të gjallëve sesa atyre të cilët kanë flijuar jetën, sepse përmes saj, ne kujtojmë sa e shtrenjtë ka qenë liria e Kosovës të cilën e gëzojmë… Sot e 20 vite, janë qindra masakra anë e kënd Kosovës të cilat as nuk janë hetuar e le më të akuzohet dikush. Është edhe një thirrje për institucionet e drejtësisë të vendit, të cilat janë para një provimi dhe sprove të madhe. Duhet të hetohet secila masakër që ka ndodhur në Republikën e Kosovës, duhet të hetohet deri në fund, dhe të përgatiten dosjet për secilën vrasje civile që ka ndodhur në Republikën e Kosovës dhe, ato të shërbejnë për të ndjekur kryerësit e këtyre krimeve anë e kënd Kosovës, edhe në Burim. Vetëm atëherë, liria jonë ka kuptim”, tha Limaj, raporton KP.
Kryetari i komunës së Malishevës, Ragip Begaj, e quajti marsin muaj loti dhe gjaku.
Ai tha se paramilitarët serbë vranë e masakruan në mënyrën më mizore njerëz të pafajshëm, gra, fëmijë e pleq.
Por siç tha ai, vrasjet nuk e mundin popullin shqiptar.
Ai tha se është gjaku i dëshmorëve që ujit tokën e lirisë që sot Kosova gëzon.
“Jemi sot këtu për të përkujtuar ngjarjen më të rëndë në Malishevë gjatë luftës. Sot 20 vite më parë, pikërisht në këtë vend, u vranë e u masakruan dhjetëra civil, të pafajshëm. Pikërisht në këtë vend, njësitë paramilitare çetnike në shenjë të hakmarrjes vranë civil të pafajshëm, gjithsej 34 persona, si dhe 8 të tjerë nga këto dy fshatra, duke e çuar numrin e të vrarëve në 42 persona”, u shpreh ai.
Rrahim Morina, kryesues i kuvendit komunal të Malishevës, u shpreh se pika më e lartë e luftës u shënua pas 24 marsit.
“Ne si institucione lokale dhe si familjarë, kërkojmë nga organet e drejtësisë që të merren seriozisht me zbardhjen e kësaj masakre dhe kriminelët të marrin dënimin e merituar. Populli jonë ka vuajtur shumë gjatë nga armiqtë tanë. Prandaj, ne të gjithë e kemi obligim moral dhe institucional, që të ndërtojmë dhe zhvillojmë vendin tonë, duke krijuar mirëqenie për të gjithë qytetarët e Malishevës. Këtë para së gjithash, ua kemi borxh atyre që po i përkujtojmë”, u shpreh ai.
Në emër të familjeve, Adem Morina, përgëzoi për gurthemelin, duke thënë se është më i vlefshëm se 1 mijë fjalë.
“Dhashtë Zoti, edhe zëvendëskryeministër e sensibilizojmë më shumë këtë masakër, sepse ne familjarët ende nuk e kemi dëgju as nga goja e presidentit, as kryeparlamentarit, as kryeministrit masakrën e Burimit”, tha ai.
Pas akademisë përkujtimore, zëvendëskryeministri Fatmir Limaj, kryetari i komunës së Malishevës, Begaj dhe qytetarë të shumtë bënë homazhe pranë varreve të martirëve në Dragobil./Telegrafi/
Promo
Reklamo këtuLufta Prigozhin - Putin
Më shumëNga Rubrika
Gashi dhe Tahiri lëshojnë mbledhjen e Kryesisë së Kuvendit, fajësojnë LVV-në për bllokim të punës së komisionit për hetime të rezervave shtetërore
MASH shpall konkurs për regjistrim në shkollat e mesme publike për vitin akademik 2024/2025
Bajrami i reagon Muratit pasi tha se ka rritje të qarkullimit të biznesve, e fton për përballje
Pse Mali i Zi votoi kundër Kosovës në KiE, flet Dritan Abazoviq
Lajçak me post të ri nga shtatori
Katër votat kundër Kosovës në Këshillin e Evropës dhe një abstenim, gjithçka që duhet të dini
Dyshohet se ishte duke u përgatitur për ta kryer një vrasje, arrestohet i dyshuari në Pejë
Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Madam, stili jot lyp këpucë franceze?
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Më të lexuarat
Pse Mali i Zi votoi kundër Kosovës në KiE, flet Dritan Abazoviq
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev
Reagon babai i Olti Hysenit, pas deklaratës 'bombastike' të lojtarit të talentuar
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia