Lily Allen kritikon vendimin e Beyonce, për të bërë albumin “Cowboy Carter” në zhanrin ‘country’

Lily Allen me sa duket e ka kritikuar albumin e ri të Beyonce-s, “Cowboy Carter”, duke e quajtur atë ‘të llogaritur’ dhe ka vënë në pikëpyetje pse zgjodhi të bënte ‘cover’ këngën Jolene të Dolly Parton.

38-vjeçarja vendase në Londër, i bëri këto komente në podcastin e saj të “BBC Sounds Miss Me?” Të enjten me bashkë-prezantuesen Miquita Oliver, teksa diskutonin për përpjekjen e superyllit 42-vjeçare në një zhanër të ri.

Vokalistja e “Air Balloon” tha se ajo ndjeu se tranzicioni i Beyonces në muzikën ‘country’ e quajti atë si ‘të llogaritur’, duke u nisur nga fjalimi i bashkëshortit të saj Jay-Z në “Grammys” duke kritikuar organizatorët që kurrë nuk i dhanë çmimet për albumin më të mirë, shkruan DailyMail.

“Mendoj se ka qenë mjaft e llogaritur” tha vokalistja e “Fear”. “Ndihem sikur kur Jay-Z u ngrit në “Grammy”, ishte pjesë e kësaj fushate.

“Ishte para se albumi të dilte apo edhe të shpallej dhe ajo kishte veshur parukën bionde dhe një kapele kauboj.”

Artistja e nominuar për “Grammy’ tha se veprimet u ndërmorën në një përpjekje përfundimisht të suksesshme për të ‘sfiduar institucionin’, duke vënë në dukje se Beyoncé ‘është gruaja më e dëgjuar në muzikën ‘country’.

Allen tha se Beyonce kishte marrë një rrugë të shkurtë për të mbuluar mega-hitin e Dolly Parton të vitit 1973, “Jolene”, një hit i madh që ka një vend në listën e Rolling Stone të 500 këngëve më të mira të të gjitha kohërave.

“Është një gjë mjaft interesante të bësh kur përpiqesh të trajtosh një zhanër të ri dhe zgjedh këngën më të madhe në atë zhanër”, tha Allen. “Dua të them që bëni atë që dini, Beyonce.” /Telegrafi/