Kampionati francez Ligue 1 nuk do të zhvillojë këtë fundjavë ndeshje.
Ka qenë federata e futbollit të Francës që ka konfirmuar se Ligue 1, Ligue 2 dhe Ligue 3 është suspenduar për një afat të papërcaktuar.
“Pas njoftimi të presidentit të Francës në lidhje me krizën shëndetësore Covid-19, bordi i LFP merr vendim që të pezullojë menjëherë kampionatit Ligue 1, Ligue 2 dhe Ligue 3 deri në një njoftim të radhës”, thuhet në njoftimin nga Federata e Futbollit francez.
Përderisa në Francë janë anuluar të gjitha ndeshjet, në Bundesliga do të ketë futboll këtë fundjavë.
Kampionati gjerman do të luaj, por pa praninë e tifozëve.
Edhe federata e futbollit të Gjermanisë ka marrë vendim që nga data 17 mars t’i pezullojë të gjitha aktivitetet futbollistike deri në një njoftim të radhës.
Fatmirësisht deri më tani asnjë nga futbollistët e kampionatit elitar francez dhe gjerman nuk janë infektuar nga Covid-19.
E rasti i parë në Gjermani ishte futbollisti i Hannover 96, Timo Hubers që ka rezultuar pozitiv. /Telegrafi/
