Libri i kujtimeve në të cilin Prince po punonte para vdekjes së tij, do të publikohen më 29 tetor. Shtëpia botuese “Random House”, konfirmoi se “Të bukurit” do të përmbajnë një dorëshkrim të papërfunduar të këngëtarit dhe fotografi të rralla, shënime dhe teskte të tij po ashtu.

Reklama

I paralajmëruar vetëm disa javë para vdekjes së tij, në 2016, libri me 288 faqe, i botuar në bashkëpunim me familjen e artistit të ndjerë ka edhe një hyrje të shkrimtarit të the New Yorker, Dan Piepenbring, që vetë Prince e kishte zgjedhur si bashkëpunëtor.

Prince (Foto: Jonathan Daniel/Getty Images/Guliver)

Në vitin 2018, agjentja letrare Esther Newberg ka deklaruar se Prince kishte përfunduar më shumë se 50 faqe të librit, të shkruara me dorë.

Reklama
Të gjitha lajmet nga Prince Të gjitha lajmet nga Prince
Reklama

“The Beautiful Ones” është një rrëfim i thellë, personal i rrugëtimit të kantautorit, nga Roger Relson (emri i vërtetë) deri te Princi që ne njohim.

Historia në kohë reale e një fëmije që përthithte botën përreth tij për të krijuar një person, një vizion artistik, një jetë, para se hitet dhe fama ta ndryshonin atë. Libri sjell fëmijërinë e princit e deri te vitet e hershme të tij si muzikant.

Prince u nda nga jeta në prill të vitit 2016 si pasojë e një mbidoze aksidentale droge.