LAJMI I FUNDIT:

Libraria “Dukagjini” po hapet edhe në “Prishtina Mall” me super hapësirë

Libraria “Dukagjini” po hapet edhe në “Prishtina Mall” me super hapësirë

Në mars, libraria “Dukagjini” do të hapë dyert e një hapësire të re në “Prishtina Mall”. Mijëra tituj librash do të vijnë të ekspozuar në një ambient mbresëlënës e tejet miqësor për të gjithë lexuesit.

Libraria e re e “Dukagjini”-t do të ofrojë një mundësi të jashtëzakonshme kërkimi dhe përmbushjeje për lexuesit e të gjitha moshave dhe tipave. Botimet “Dukagjini” do të zënë vend qendror në librari, e krahas tyre do të jenë librat më të kërkuar aktualisht në vend dhe në botë. “Dukagjini” tashmë është adresa e parë për bestseller-ët në shqip, anglisht e gjuhë të tjera.

Enterieri modern jep komoditetin për aktivitete të shumta, përtej blerjes së librit, me synimin që ta bëjë këtë kënd të qendrës së re tregtare një ambient me vlera kulturore e sociale. Tashmë është kthyer në traditë që në librarinë “Dukagjini”, të vegjlit të përjetojnë dhe të shijojnë aktivitete të ndryshme që lidhen me librin. Libraria e re në “Prishtina mall” ka edhe më shumë surpriza për fëmijët. Aktivitete të shumta leximi, loje e argëtimi do të jenë ftesa që nuk do të mund t’u rezistojë asnjë prind për fëmijët e tyre, duke pasur parasysh hapësirën e madhe lënë për ta.

Duke qenë gjithnjë në hap me kohën dhe kërkesat e kohës, “Dukagjini” edhe në “Prishtina Mall” do të ofrojë çmime promocionale dhe oferta shumë të favorshme për lexuesit.

Krahas këtyre, ekipi tejet i motivuar dhe profesional do të jetë përherë i gatshëm për të krijuar një ambient miqësor e të sigurt për të gjithë.

Libraria “Dukagjini” është pjesë e korporatës me të njëjtin emër dhe është lider i kulturës së librit në Kosovë. Ajo ka një traditë gati tridekadëshe në kulturën e librit. Për kaq kohë, libraria “Dukagjini” është kthyer në pikë të rëndësishme reference për identitetin urban të Prishtinës. E ndodhur në zemër të kryeqytetit, ajo është kthyer jo thjesht në një hapësirë për shitjen e librit, por në një pikëtakim të lexuesve, një arenë aktivitetesh kulturore e sociale dhe një institucion që ngjall dëshirën për librin dhe vlerat. Pika e re në “Prishtina Mall” s’ka se si të jetë ndryshe, pos një replikë e këtyre vlerave identitare.

Artikull i sponzorizuar