Nënkryetari i Lidhjes Demokratike të Kosovës (LDK), Lutfi Haziri, sërish ka treguar gatishmërinë e LDK-së për ngritjen e një mocioni mosbesimi ndaj qeverisë “Haradinaj” pas punës 100-ditëshe.
Ai thotë se pas vlerësimit të punës së kësaj Qeverie është i bindur se mocioni i mosbesimit është i pashmangshëm. Në anën tjetër, nga lëvizja “Vetëvendosje” thonë se thirrjet e nënkryetarit të LDK-së për mocion nuk janë diskutuar në LVV.
Sipas tyre, iniciativat e LDK-së nuk do të jenë arsye që “Vetëvendosja” t’i bashkohet rrëzimit të Qeverisë. Ata thonë se Kryesia e “Vetëvendosjes” do ta bëjë vlerësimin për këtë qeveri para se të marrë çdo vendim.
Ndërkaq njohësit e çështjeve politike nuk po i konsiderojnë serioze deklaratat e LDK-së për mocion. Sipas tyre, LDK-ja po e bën këtë për ta marrë primatin në opozitë.
Nënkryetari i LDK-së, Lutfi Haziri, ka thënë se pas 100-ditëshit të qeverisjes “Haradinaj” mocioni i mosbesimit është i pashmangshëm.
“Definitivisht dëshmoi qartë se sa është e rëndësishme t’i shohim zhvillimet dramatike që kanë ndodhur pas themelimit të kësaj qeverie. Unë jam pro një bindjeje politike, e cila dëshmon qartë që mocioni është i paanashkaluar dhe ne si LDK jemi unikë dhe në momentin që vlerësohet do të ngrihet mocioni”, ka thënë Haziri.
Ai tha se arsyet për rrëzimin e kësaj qeverie janë shpenzimet e mëdha që po i bën shteti.
“Është një qeveri e cila ka arritur të krijojë vetëm shpenzime për shtetin dhe është thyer një rekord i zi”, ka thënë ai.
Ndërsa për LVV-në tha se është çështje e tyre nëse do ta përkrahin një nismë të tillë nga LDK-ja apo jo.
Kurse Haxhi Avdyli, deputet i LDK-së, ka numëruar dështimet e kësaj qeverie dhe arsyet pse duhet të ngrihet mocion ndaj kësaj qeverie.
“Nuk janë realizuar ato vendimmarrjet e mëdha për të cilat thoshin se po i mungojnë qeverisë “Mustafa”. Kjo qeveri as afër nuk është për vendime të mëdha. Në të njëjtën kohë edhe frytet e punës kjo qeveri i ka nga puna e Qeverisë së kaluar, pastaj dëmi që po ia bën ekonomisë së Kosovës me krijimin e një qeverie megalomane e me plot shpenzime, të cilat po e ngarkojnë buxhetin, pastaj agjenda legjislative që do të duhej të dorëzohej tek Kuvendi, dështimi në aspektin ndërkombëtar, mosanëtarësimi në strukturat e ndryshme ndërkombëtare, si në UNESCO, në INTERPOL e në shumë të tjera”.
“Mungesa e njohjeve dhe e vizitave të tyre nëpër institucione ndërkombëtare. Nuk na ka rastisur ta shohim këtë kryeministër që ta ketë një pritje nga ndonjë shtet evropian. Pra, ka shumë dështime dhe mendoj që kjo Qeveri do ta “hajë kokën e vet” dhe ky koalicion ka për ta rrëzuar vetveten”, ka thënë Avdyli./Zëri/
Promo
Reklamo këtuLufta Prigozhin - Putin
Më shumëNga Rubrika
Angellovska- Bezhoska: Lehtësim të politikës monetare, në gjysmën e dytë të vitit
Përplasja midis policisë dhe mbështetësve të opozitës në Tiranë, OSBE: Protesta paqësore akt demokratik legjitim, dhuna jo
Vrau 47-vjeçarin për hakmarrje, ngritet aktakuzë ndaj të pandehurit në Gjakovë
Kurti ironizon me ushtrimet e ushtrisë serbe: Paraqesin ndotje të ajrit e tokës
SHBA-ja synon ta "fortifikojë" Ballkanin Perëndimor
Protesta e dhunshme para Bashkisë së Tiranës, reagojnë ambasadat e SHBA-ve dhe BE-së
Trajnimi i ushtarëve ukrainas, ambasadori Kapiti: Krenarë me përkushtimin e FSK-së
500 euro gjobë, 5 pikë negative, 6 muaj masë mbrojtëse e sekuestrim i veturës – Policia dënon vozitësin në Pejë
11-vjet nga marrëveshja e nënshkruar nga Thaçi dhe Daçiq, deklarohet Stano: Themelimi i Asociacionit, ndër çështjet më urgjente
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi