LDK: Dënojmë gjuhën e ashpër dhe presionin e MASHT-it ndaj mësimdhënësve për kompensimin orëve

Lidhja Demokratike e Kosovës ka dënuar gjuhën e ashpër dhe presionin që po u bëhet mësimdhënësve për mbajtjen e orëve.

Deputetja Valentina Bunjaku Rexhepi nga LDK në seancën e jashtëzakonshme ka thënë se humbja e orëve ka pasoja të mëdha tek nxënësit.

“Sot nuk do të duhej të ishte temë diskutimi në Kuvend, është dashur të diskutohet mes Ministrisë dhe SBASHK-ut. Humbja e orëve ka pasojë të mëdha tek nxënësit. Ne si LDK e konsiderojmë të papërgjegjshme Ministrinë se si nuk reagonte me kohë, dh se greva e SBASHK-ut dhe mësimdhënësve ka qenë e arsyeshme. Të gjithë e dimë sa e vështirë është kompensimi i orëve, prandaj reagimi i të gjithëve është më se i drejt sepse ua marr pushimin. LDK dënon fjalimin e ashpër të MASHT-it ndaj mësimdhënësve e jo politikave të MASHT-it”, ka thënë ajo.

Sipas saj edhe nëse kompensohen orët nuk e kanë efektin e njëjtë.

“Kur faji drejtohet drejt mësimdhënësve është një tendencë që kërkesat e tyre të zbehen. LDK është kundër që Qeveria të detyrojë SBASHK-un apo mësimdhënësin për mbajtjen e orëve. Kërkesa e SBAHSK-ut ishte e arsyeshme për rritjen e koeficientit sepse Qeveria kishte të paguante ministra dhe zv.ministra e jo ata. Andaj LDK konsideron se edhe sikur të kompensohen orët, ato nuk e kanë efektin e njëjtë. Kërkojmë nga MASHT-i që të ulen gjakrat dhe të mos detyrojë mësimdhënësit për këtë si dhe Qeveria ta pranojë fajin që kishte kur ata hynë në grevë”, ka thënë ajo./Telegrafi/.