Në Universitetin e Prishtinës “Hasan Prishtina” sot u mbajt ceremonia e ndarjes së titullit “Doctor Honoris Causa” për laureatin e çmimit Nobel, Dan Shechtman.
Me këtë rast, profesori Dan Shechtman deklaroi se puna e profesorëve është që të inkurajojnë studentët që të bëhen profesionistë të mirë dhe të kontribuojnë në shoqëri.
Duke folur për shkencën, ai tha se shkenca përparon në dy mënyra, njëra mënyrë është revolucioni dhe tjetra evolucioni. Shechtman potencoi se Kosova duhet t’i tërheqë njerëzit e diasporës që të punojnë në vendin e tyre.
“Fuqia juaj e vërtetë nuk janë mineralet dhe nuk janë metalet, është zgjuarsia njerëzore dhe kjo është arsyeja pse edukimi është kaq i rëndësishëm dhe arsimi universitar është kulmi i atij edukimi… Më lejoni t’ju jap vetëm dy këndvështrime, shkenca përparon në dy mënyra, njëra mënyrë është revolucioni dhe mënyra tjetër është evolucioni. Njerëzit që bëjnë revolucionet janë laureatët e ‘Wolf Prize’, Laureatët e ‘Nobel Prize’, këta janë njerëzit që bënë revolucione. Puna jonë si profesorë, sepse edhe unë jam njëri prej jush, është të inkurajojmë studentët tanë që të bëhen profesionistë të mirë, çfarëdo që ata zgjedhin, të bëhen profesionistë të mirë dhe të kontribuojnë në këtë shoqëri. Ju duhet të siguroheni që Kosova t’i tërheqë njerëzit e diasporës tuaj, gjysma e njerëzve tuaj jetojnë në vende të tjera, ata kanë një jetë të mirë por do të dëshironin, të paktën shumë prej tyre, do të dëshironin të kthehen në atdheun e tyre, por ju duhet të ua krijoni kushtet që ata të vijnë. Pra, kjo do të thotë nxitja e ekonomisë, kjo do të thotë rritja e gjeneratës së re të njerëzve që mund ta bëjnë këtë, kjo do të thotë sipërmarrës të rinj, kjo do të thotë shkencëtarë dhe studiues të rinj.”, u shpreh ai.
Rektori i Universitetit të Prishtinës “Hasan Prishtina”, Prof. dr. Qerim Qerimi, derisa vlerësoi punën e profesorit Dan Shechtman, u shpreh se UP ka privilegjin që ta ketë si pjesë e komunitetit akademik.
Ai tha se historia inspiruese e Shechtman inkurajon secilin që t’i shtyjë kufijtë e të kuptuarit dhe të kontribuohet për përmirësimin e botës sonë.
Ndërsa, laudatori Sefer Avdiaj potencoi se kontributit të profesorit Dan Shechtman ndaj komunitetit shkencor nuk i mungon asgjë.
Ndër të tjera, ai tha se është nder që Universiteti i Prishtinës jep profesorit Shechtman titullin “Doctor Honoris Causa”.
Titulli “Doctor Honoris Causa” iu nda profesorit Dan Shechtman për punën mbi kuazikristalet, kontributin në avancimin e shkencës së materialeve dhe për përkushtimin rreth përdorimit të shkencës e teknologjisë lidhur me mirëqenien e shoqërisë. /kp/
Lufta Prigozhin - Putin
Më shumëGazetari britanik tregon nëse mund të ketë luftë në Kosovë dhe Bosnjë
Cvijanoviq: Qëndrimi i Bosnjës e Hercegovinës për anëtarësimin e Kosovës në Këshillin e Evropës duhet të jetë neutral
U tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Kurti pas telefonatës me Macron: Besojmë që Franca ta mbështesë Kosovën në KiE pa parakushte
Rrëfimi i Vasfije Krasniqit: Çdo ditë e kujtoj tmerrin që më ndodhi nga forcat serbe
Goditi 42 herë me thikë ish-të dashurën në Vjenë, gjykata e dënon me 15 vjet burgim shqiptarin nga Kosova
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert