Latifi: Nëse dikujt i jepet një vaksinë me afat të skaduar unë jap dorëheqje
Deputeti i Partisë Demokratike të Kosovës, Bekim Haxhiu, ka akuzuar Ministrinë e Shëndetësisë për fshehjen e numrit të vaksinave pa afat, derisa shtoi se po rrezikohen qytetarët e vendit nga ky proces. Ndërsa, ministri i Shëndetësisë, Rifat Latifi, një ditë më parë ka mohuar kategorikisht se qytetarëve u janë dhënë vaksina anti-COVID pa afat.
Deputeti Haxhiu gjatë debatit në Kuvend, tha sot se Ministria e Shëndetësisë po vazhdon të mbajë të fshehur numrin e vaksinave që u ka skaduar afati.
Mirëpo, pretendimet e sotme të deputetit Haxhiu, i ka hedhur poshtë një ditë më parë ministri i Shëndetësisë, Rifat Latifi, i cili në “Përballje” në Telegrafi.com, ka thënë se asnjë vaksinë nuk është me afat të skaduar dhe se nëse ndonjë pacient merr vaksinën me afat të skaduar, ai do të jap dorëheqje.
“Asnjë vaksine nuk i ka kalu afati, dhe asnjë vaksinë me afat të skaduar nuk ka me iu dhënë ndonjë pacienti në Kosovë. Nëse kjo ngjan, që dikush të merr vaksinën me afatin e skaduar unë jap dorëheqje atë ditë”, ka deklaruar ai në “Përballje”.
Haxhiu në fjalimin e tij në Kuvend ka thënë se po kërkon qasje në dokumentet publike të MSH-së, por që kjo e fundit nuk po e lejon.
“Edhe sot MSH vazhdon të mbajë të fshehur numrin e vaksinave që u ka skaduar afati. Nga data 24 dhjetor 2021, unë kërkoj qasje në dokumentet publike në Ministrinë e Shëndetësisë, kërkoj certifikata të analizës për çdo seri të vaksinave të importuar, por Ministria e Shëndetësisë nuk lejon qasej në dokumentet publike. Pra, MSH ka dështuar të implementojë planin e vaksinimit”, theksoi ai.
Në Kosovë prej fillimit të vaksinimit në të gjitha qytetet e Kosovës janë dhënë 1.798.980 doza të vaksinës, deri më sot 809,982 qytetarë janë vaksinuar me dozën e dytë. /Telegrafi/
Promo
Reklamo këtuLufta Prigozhin - Putin
Më shumëFruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Çfarë pyetje u bëhen qytetarëve në diasporë për regjistrim?
Anëtarësimi i Kosovës në KiE, cilat janë vendet skeptike që duan fillimisht asociacionin?
Kurti merr kundërpërgjigje për kritikat ndaj Prokurorisë Speciale
Profesori i kriminalistikës: Bandat ruse porositën sulm në burgun e Reçit në Shkodër, ja si u planifikua
AGK-ja dënon intimidimin publik të deputetit Dimal Basha ndaj gazetares së RTK-së
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City