Kanye West ishte në detyrën e babait të premten pasdite (29 korrik) kur ndoqi ndeshjen e basketbollit të vajzës së tij të madhe North në Los Angeles.
Reperi, 45 vjeç, i cili kohëve të fundi iu është shmangur daljeve publike u pa me veshje sportive tërësisht të zeza dhe çizmet të gjata shoqërohej nga vajza e tij më e vogël Chicago.
Ai e mbajti me ëmbëlsi dorën e vajzës katërvjeçare teksa po ecnin drejt gjimnazit ku po zhvillohej ndeshja e North.
Një palë kufje të mëdha gri reperi i vendosi sipër kokës, megjithëse i la jashtë veshëve që të mund t'u kushtonte vëmendje vajzave të tij.
Chicago dukej simpatike teksa kishte veshur një këmishë ngjyrë vjollce të lehtë dhe pantallona të shkurtra të ngjashme për lojën e motrës së saj të madhe.
Vajza nëntë vjeçare e Kanye, North, veshi një fanellë të zezë në lojë dhe dribloi një top basketbolli shumëngjyrësh në palestër.
Kanye ndan vajzat e tij, së bashku me djalin 6-vjeçar Saint West dhe djalin tre-vjeçar Psalm West, me ish-gruan e tij Kim Kardashian.
Kim dhe Kanye u martuan në vitin 2014, por pas gati shtatë vitesh martesë, ylli 41-vjeçar bëri kërkesë për divorc në shkurt 2021.
Ajo u shpall ligjërisht beqare në mars të këtij viti dhe aktualisht është në lidhje me komedianin Pete Davidson, 28 vjeç.
West në anën tjetër ka provuar gjithashtu të krijojë marradhënie të re gjatë vitit të kaluar pasi më parë ishte i lidhur me aktoren e “Uncut Gems” Julia Fox dhe modelin e Instagramit, Chaney Jones. /Telegrafi/
