Los Angeles Lakers kanë pësuar një tjetër humbje në NBA, të dytën radhazi dhe 33-tën këtë edicion.

Kampioni i shumëfishtë i NBA është mposhtur para adhuruesve të vet nga New Orleans Pelicans me 28 pikë diferencë 95:123.

Mysafirët ishin më të mirë që nga çereku i parë duke fituar me rezultat 20:24, pastaj vazhduan në të dytin 20:27, të tretin e fituan edhe më bindshëm 25:44 dhe të katërtin e humbën me dy pikë epërsi 30:28.

Cj McCollum ishte më efikasi në këtë takim për skuadrën fituese me 22 pikë, pesë kërcime e tetë asistime.

Ndërkohë me lojë të mirë u dallua edhe dyshja Brandon Ingram dhe Valanciunas me nga 19 pikë të shënuara.

Tek vendasit si gjithmonë LeBron James ishte më i dalluari me 32 pikë, gjashtë kërcime e tre asistime, por që nuk mjaftuan për t’iu shmangur humbjes. /Telegrafi/