Lajm i pabesueshëm nga Turqia: Fenerbahce kërkon përforcimin më të madh në historinë e ligës

Klubi i madh turk, Fenerbahce thuhet se dëshiron të sjellë një nga lojtarët më të mirë në botë në dekadën e fundit, Kevin De Bruyne nga Manchester City.

“Motori, koka dhe bishti” i të gjithë sukseseve të Manchester Cityt në dhjetë vitet e fundit është një opsion i kërkuar nga e gjithë bota dhe mëngjesin e sotëm një nga gazetat më të respektuara turke Fanatik ka raportuar një lajm bombastik.

Sipas Fanatik, Fenerbahce ka dalë me një plan për të realizuar transferimin më të madh në historinë e futbollit turk, që patjetër do të sillte De Bruyne.

Detyra iu besua Mario Branacit, drejtorit sportiv të Fenerbahces, i cili u ngarkua nga drejtuesit e klubit që të krijojë kontakte dhe të tentojë të sjellë yllin belg në të ardhmen e afërt. Interesant është fakti se Branco dikur ka qenë në krye të segmentit sportiv në Hajduk Split.

💥 FANATİK ÖZEL | @necatialbayrak5

Fenerbahçe, Manchester City’nin yıldız oyuncusu Kevin De Bruyne ile ilgileniyor.

Sarı-lacivertlilerin sportif direktörü Mario Branco’nun, yönetimin direktifi sonrası kolları sıvadığı ve Belçikalı oyuncunun menajerlik şirketiyle kısa süre… pic.twitter.com/2iaNSb4M98

— Fanatik (@fanatikcomtr) December 24, 2024

Natyrisht, gjithçka është në fillim dhe kontaktet ende nuk janë bërë, dhe askush nuk e ka të qartë se si Fenerbahce mund të përmbush kërkesat financiare të De Bruyne, i cili për vite me radhë ishte rekordmeni për pagën më të lartë në Ligën Premier.

Vetë fakti që De Bruyne aktualisht fiton 400 mijë funte në javë në Ligën Premier dhe që është numri një absolut në kampionat tregon se sa e vështirë është puna para Fenerbahces. Gjithashtu, interesimi nga Arabia Saudite për shërbimet e De Bruyne nuk është në favor të gjigantit turk dhe turqit definitivisht nuk mund ta përballojnë këtë.

Sidoqoftë, do të jetë interesante të shikohet periudha e ardhshme e tranzicionit në të cilën gjiganti turk i drejtuar nga Edin Dzeko do t’i nënshtrohet një rindërtimi të caktuar.

Dyshohet se Fenerbahce tashmë ka rënë dakord për përforcimin e parë për muajin janar dhe është Mario Hermoso nga Roma, ai që duhet të forcojë pjesën mbrojtëse të skuadrës së drejtuar nga Jose Mourinho. /Telegrafi/