I dërguari i Posaçëm i BE-së për dialogun Kosovë-Serbi, Miroslav Lajçak, ka darkuar së bashku me ushtruesen e detyrës së presidentit të Kosovës, Vjosa Osmani.

Përmes një statusi në Twiter, Lajçak ka thënë se e vlerëson vizitën e Osmanit, pikëpamjet e saj për situatën në Kosovë, zgjedhjet parlamentare dhe dialogun Kosovë-Serbi.

“Mirë që të darkojmë sonte në Bruksel me Ushtruesen e Detyrës së Presidentes, Vjosa Osmani. E vlerësova shumë kur dëgjova pikëpamjet e saj për vizitën në Bruksel, situatën në Kosovë, zgjedhjet e ardhshme parlamentare dhe dialogun Beograd-Prishtinë”, ka shkruar Lajçak në Twiter.

Në ditën e dytë të qëndrimit në Bruksel, u.d. Presidentja Osmani të mërkurën do të takohet me presidenten e Dhomës së Përfaqësuesve Eliane Tillieux dhe presidenten e Senatit të Belgjikës, Stéphanie D’Hose.