Lady Gaga shkëlqen me fustane të dizajnuara nga motra e saj

Ka më shumë se një yll të modës në familjen Germanotta.

Në një koncert të transmetuar drejtpërdrejt nga Westfield në fillim të javës së kaluar, Lady Gaga interpretoi këngë nga albumi i saj i ri me Tony Bennett, "Love for Sale".

Ajo doli në skenë me dy fustane nga Topo Studio, marka e re e krijuar nga motra më e vogël e Gagës, Natali Germanotta.

Për aktin e saj të parë, fituesja e Grammyt performoi e veshur me një fustan të tejdukshëm dhe të zbukuruar me pendë.

Ajo më vonë u pa në një fustan të zi prej kadifeje me një të çarë deri në kofshë për të kënduar këngët e tjera.

"Faleminderit motrës sime të talentuar për dizajnimin e kostumeve të mia të bukura për shfaqjen!", shkroi Gaga në Instagram. /Telegrafi/