Ai është 24 vjeç. Ai kishte rastin të festonte me yje si Rihanna dhe Bella Hadid. Ai shikon lojëra basketbolli me Yao Ming. Dhe tanimë ai është një miliarder – brenda natës.
Sipas mediave të huaja, përcjell Telegrafi, bëhet fjalë për Eric Tse, i cili u diplomua kohët e fundit në Shkollën prestigjioze Wharton të Financave të Universitetit të Pensilvania, të cilit familja të martën i dhuroi 3,88 miliardë të aksioneve të kompanisë.
Prindërit e Tse janë të dy drejtorë ekzekutivë të Sino Biopharmaceutical Limited, dhe të martën ata i dhanë atij një të pestën e aksioneve të kompanisë “si një dhuratë në konsideratë të plotë”, sipas një deklarate të kompanisë.
Tse, i cili është nga Hong Kongu, është anëtari i fundit i klubit të miliarderëve në Azi – por me sa duket nuk dëshiron asnjë pjesë të renditjeve të të pasurve.
Deklarata e kompanisë thoshte “ai do të përpiqet të mos marrë pjesë në renditje të tilla në emrin e tij, dhe do të rekomandojë të marrë pjesë në emërime të tilla në emër të familjes Tse Ping”.
Deklarata sugjeron se ai dëshiron të mbajë një profil të ulët – megjithatë siç dokumentohet në Instagram, ai po “fërkonte bërrylat” me të pasurit dhe të famshmit shumë kohë përpara se transferimi i aksioneve.
Në vitin 2017, ai pozoi me modele të njohura Bella Hadid dhe Lily Aldridge në një festë në Venecia. Vetëm disa muaj më vonë, ai postoi një fotografi me këngëtaren Rihanna në Nju Jork.
Ai gjithashtu ka postuar foto me disa nga sportistët më të shquar në Kinë, si notarin olimpik të medaljeve të arta Sun Yang dhe ikonën e basketbollit Yao Ming.
Ai madje thuhet se ka takuar liderët politikë dhe anëtarët e familjes mbretërore si Princesha Charlene e Monakos dhe ish zonja e parë franceze Carla Bruni – por më tërheqëse janë lidhjet e ngushta që ai duket se ka me politikanët kinezë.
Kjo nuk është për t’u habitur, shkruajnë mediat e huaja, përcjell Telegrafi, pasi babai i tij Tse Ping ka qenë më parë anëtar i komitetit të Konferencës Konsultative Politike të Popullit Kinez (CPPCC), organi më i lartë politik i vendit.
Më 1 tetor, 70 vjetori i themelimit të Republikës Popullore të Kinës, i riu Tse mori pjesë në festimet e Pekinit të hapura vetëm për mysafirë dhe personalitete të ftuar.
Deklarata e kompanisë të martën thoshte se prindërit e Tse kishin transferuar aksionet tek ai “për të përmirësuar menaxhimin dhe trashëgiminë e pasurisë familjare”. Dokumenti u nënshkrua nga kryetarja e kompanisë, Theresa Tse – motra e Eric.
Aksionet mënjanë, Tse gjithashtu fitoi një pozicion të ri – drejtor ekzekutiv i komitetit të bordit ekzekutiv të kompanisë.
Sipas deklaratës së kompanisë, para se të jepej ky rol, ai më parë ka shërbyer si CEO në krahun e Amerikës së Veriut të ndërmarrjes së rekrutimit Liepin. /Telegrafi/
Promo
Reklamo këtuLufta Prigozhin - Putin
Më shumëPronari i bëri banjë bulldogut, shikoni reagimin gazmor të qenit
I premtoi se do t’ia jep 10 funte nëse ia pastron veturën, britaniku pendohet keq – nipi 8-vjeç ia mbushi tërë mjetin me ujë
Reagimi i qenit pasi u braktis nga pronari i tij – pasi pamjet u bënë virale, dikush u kujdes që t'i gjente një 'shtëpi të re'
Gafa e re nga Joe Biden - presidenti amerikan ngatërron presidentin egjiptian me atë të Meksikës
Vogëlushja mendonte se në dhomën e saj ka përbindësha - bletari zbulon mbi 60 mijë bletë
Kaloi natën duke pirë alkool në ahengun e organizuar në dhomën e hotelit, aviokompania japoneze ia ndalon fluturimin pilotit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe