Në vitet ’80 të shekullit të kaluar, në një ekspozitë pikturash në ish-Jugosllavi, Lekë Dukagjini nga Kosova shfaq svastikat. Të gjithë u çuan kundër, duke thënë se ai përfaqëson pritjet nazifashiste të shqiptarëve. Lekës nuk ia ka ndie, sepse ai me botën e tij ishte para kohës së atyre që kishin mendime të dominuar nga politikat dhe ambiciet e errëta.
Ky personazh i veçantë, i një gjenerate të rrallë të rinisë shqiptare – asaj të viteve 1980 – jeton jashtë vendit. Ai bile mbijeton si artist vizual. Këtë e thonë shokët dhe bashkëpunëtorët e tij të gjeneratës, që kanë dëgjuar që para 5-6 viteve ai ishte këndej, me një ekspozitë në Prishtinë. Apo mbase e kanë ngatërruar me një ekspozitë për figurat e kombëtare shqiptare, ku ishte edhe ai i Lekës së Kanunit!?
Sidoqoftë, kjo s’ka rëndësi, sepse “bashkëkohësit” e kujtojnë në Prishtinë si përfaqësuesin e parë të muzikë pank në Kosovë, si liderin e grupit “Bankrot”, dhe njeriun që provokonte me tekste. Si “Bankrot” ishin Lekë Dukagjini, Valbon Dukagjini, Armando Gjini, Fatos Berisha, Agron Aliu, Luan Osmani…
Këta ishin pjesë e një rinie progresive! Por, a janë edhe sot, kur iu kanë afruar apo kanë hyrë në të pesëdhjetat? A mund të jenë regjisorët, arkitektët, piktorët, profesorët e muzikës, mjekët… “pleqtë”… progresivë si rinia sot? Apo, si po ia del regjisori Fatos Berisha, me shfaqjet e tij, të zbërthejë më së miri problemet e rinisë së sotme, të shoqërisë së sotme materialiste e virtuale?
“Bankrot” formohen diku në vitin 1985. Atë vit e incizojnë këngën “Në CC jemi ne”. Në fakt, titulli origjinal ishte “Në WC jemi ne”, por nuk u lejua atë kohë të dilte – publikisht ashtu – nga organet e RTP-së së dikurshme. Në muzikë shihet dhe ceket ndikimi i – mbase pank-grupit më të madh në botë – “The Clash”. Ndërsa, teksti ironik, që thyente tabutë kur ishte vështirë – në epokën e komunizmit – është ky: “Një muaj u bë, që bleva Citroen – fantazi kerr/ Çdo ditë në rrugë, shoh nga një skenë – ose shmejker/ Radion e lëshoj, nervat i qetësoj/ ngase jam mësuar, pa të nuk duroj/ N’semafora, m’kap nervoza/ Majtas djathtas, shesin poza/ Në CC – jemi ne/ Rrugëve kur kaloj, vajzat më shiqojnë/ Me dorë e me sy ato ma bëjnë/ Shpejtësinë ngadalësoj, Klleshat (The Clash – v.j.) i lëshoj/ Ngase ju pëlqejnë, si t’çmendura ato k’cejnë”.
Pastaj, të ndikuar nga rrjedhat e kohës dhe nga rok grupi më alternativ shqiptar, “Lindja” (Luan Osmani, Fatos Berisha dhe Bekim Mahmuti), Lekë Dukagjini incizon këngën “Rabini (Stuhi në Gang)”, e më vonë një si baladë të ndikuar nga “askush” – “Kajranfili”!
Këta profesionistë të lëmenjve të ndryshëm sot, dikur mezi i gjenin instrumentet, e një vend për të ushtruar, për të pritur pastaj në terminët e RTP-së për incizim. Këta i binin këngës fund e krye, në incizime e në tezga. Dhe, më shumë se kushdo tjetër sot, donin ta ndryshonin shoqërinë për të mbarë. Sepse ishin tamam rokerë, ecnin shumë me instrumente në krah, kishin guxim, kishin ide dhe… svastikën e perceptonin si simbol ilir, të kultit të Diellit!
Prandaj, dëgjojeni Lekën se çfarë ka thënë dikur. Thjesht, ia vlen… /Telegrafi/
Promo
Reklamo këtuLufta Prigozhin - Putin
Më shumëDhjetë gjërat që mund t’i mësojmë nga “Thika” e shkrimtarit Salman Rushdie
Thënie të Immanuel Kantit: Mosmirënjohja është thelbi i poshtërsisë
PARALAJMËRIM
Inteligjenca artificiale rrezikon përkthyesit
Faith Ringgold: Artistja që kapi shpirtin e ShBA-së
Karakteri diktatorial i qeverisë së Fan Nolit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Deputetët e shteteve që votuan kundër anëtarësimit të Kosovës në KiE
Xavi e tepron me fjalët që ia ka thënë gjyqtarit pas eliminimit të Barcelonës nga Liga e Kampionëve
“Dashuria e madhe ndaj Edit ia mori jetën, vajzat e panë të gjakosur”, flet familjarja e gruas që u vra në Pejë nga bashkëshorti
Reagon më në fund Akil Gjakova
Parashikimi i 'çmendur' i Jose Mourinhos për fundin e Ligës Premier po del i saktë
Avokati serb ironizon me presidentët serbë, tregon ku ikën ata kur Kosova shpalli pavarësinë dhe sot kur u votua për anëtarësim në KiE