Prej 50 vjetëve të jetës sime, 10 prej tyre i kam kaluar jashtë Kosovës, ku jam edhe tash. Unë nuk e di se a më bën kjo mërgatë, diasporë apo ex-pat … por, sa herë dëgjoj apo lexoj komente duke i bërë dallimet ne dhe ata, pra kosovarët dhe diaspora, unë jam në anën e diasporës. Kujtoj se secila ndarje e këtillë është dashakeqe, shprehje e naivitetit e madje shprehje e një lloji të ksenofobisë lokale.
Këtë ksenofobi e shoh te individë e shtresave të ndryshme të kosovarëve, në mesin e personave që duhej të ishin intelektualë, te udhëheqës të OJQ-ve që merren me hulumtime, te gazetarë të ndryshëm, pronarë baresh e restorantesh, e deri të shoferët që ankohen për trafikun.
Do të kisha dëshirë të di se kur thoni diaspora apo turistët apo shacit – siç shprehen disa – a bën të dihet se për po mendoni?
A po mendoni për Burimin (48) që është drejtor i një deparatmenti (baras me drejtorinë në komunat në Kosovë) në një qytet me buxhet prej dy miliardë eurove, që mbikëqyrë mbi 30 profesionistë e që vjen në Kosovë çdo të tretin vit?
A po mendoni për Naimin (35) që ka kompani të vetën të kontabilitetit, që vrapon 20 kilometra në ditë dhe që në Kosovë vjen çdo të tretin vit për ta parë familjen.
A po mendoni për Gazmendin (63) që gjatë viteve të nëntëdhjeta ka paguar trepërqindëshin, që unë të shkoj në shkollë, dhe tash si i pensionuar qëndron në mediat sociale dhe pyet se pse Kosova nuk po shkon përpara siç kishim dëshirë ne?
Apo për Anduenën (28) që është punësuar në një kompani biznesi duke u rekrutuar nga Kosova dhe tash ka filluar jetën në një metropol financiar.
Ndoshta po mendoni për Ylberin (55) që ka hapur kompani inxhinierike dhe që tash ka zyre në Kosovë ku punëson me dhjetëra inxhinierë të rinj me rroga me katër shifra dhe me pesë ditë pune në javë?
A po mendoni për një superstar (25) që sa herë dëgjohet në radio apo e shihni në bilbord, i thoni mikut tuaj të “huaj” se ai/ajo është nga Kosova.
Apo ndoshta po mendoni për Halimin (68) që si mjek ka arritur të sigurojë materiale shëndetësore falas, për një spital në Kosovë, dhe tash vjen më shpesh për te investuar që të lë shenj në vendin e vet?
Apo ndoshta për Arbenin (65) që ka investuar në Kosovë dhe, pasi nuk ka paguar mito, investimi i tij i ka shkuar huq dhe tash duhet të përballet me drejtësinë e shtrembëruar nga partnerët kosovarë.
Ndoshta po mendoni për një diler të drogës në Gjermani, i cili vjen në Kosovë gjatë verës dhe shpenzon para pa fund në një klub nate dhe i fishkëllen rrotat në qytet.
Ndoshta po mendoni për Hasimin (42) që punon në ndërtimtari dhe që arriti që në një ambient të huaj të ndërtojë një kompani të madhe dhe ta sjell Ferrarin në Kosovë me kamion, që vet vjen me aeroplan e shet mend nëpër qytetet e Kosovës.
Kur shani, do të ishte mirë të tregoni për kë flitni, pasi të thuash diaspora apo turistët e kap “shumë gjon”; është paksa ksenofobe, mos të them raciste.
Lufta Prigozhin - Putin
Më shumëUEFA theu protokollin gjatë vendimit të VAR-it në përballjen mes Real Madridit dhe Bayern Munichut
KSHZ publikon rezultatet e para përfundimtare, ky është numri i deputetëve të partive në Kuvend
Polemika për golin e anuluar të Bayernit: Ishte apo jo pozicion jashtë loje?
Matthijs de Ligt: “Gjyqtari anësor më tha - 'Më falni, bëra një gabim'"
Këto pritet të jenë ulëset e partive në Kuvend për katër vitet e ardhshme
Tifozët assesi të pajtohen me atë që Henry ka thënë për Mbappen
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Polemika për golin e anuluar të Bayernit: Ishte apo jo pozicion jashtë loje?
UEFA theu protokollin gjatë vendimit të VAR-it në përballjen mes Real Madridit dhe Bayern Munichut
Matthijs de Ligt: “Gjyqtari më tha: 'Më falni, bëra një gabim'"
Numërohen mbi 95 për qind e votave, këto janë rezultatet dhe numri i deputetëve të partive në Kuvend
"Lutuni për RS" - çfarë do të thotë mesazhi i Rodrygos nën fanellën e tij
KSHZ publikon rezultatet e para përfundimtare, ky është numri i deputetëve të partive në Kuvend