Nga: Elona Caslli
Kushdo që ka takuar fëmijën e një miku a mikeshe për herë të parë ka vënë re ndrojtjen e fëmijës në çastin e parë.
Fëmijës i është dashur pak kohë sa të familjarizohet me figurën e të rriturit që po e sheh për herë të parë e në fund të takimit që mund të ketë zgjatur gjatë, fëmija mund të arrijë të shkëmbejë një përshëndetje të ngrohtë me të rriturin. Pra, çdo fëmije i duhet një kohë e caktuar të familjarizohet me figurën e një të rrituri që e sheh për herë të parë dhe ky proces është krejt i natyrshëm dhe krejt i shëndetshëm dhe aspak artificial.
Në Shqipëri jemi përballur shpesh me fotografi të ambasadores amerikane, deputetëve, kryeministrit a kryebashkiakut që përqafojnë e puthin fëmijë brenda një procesi krejt artificial.
Është një proces artificial sepse një fëmijë nuk i di domethënien e ambasadores, deputetes, kryebashkiakut apo kryeministrit. Nuk i lë askush kohën të familjarizohet me figurën e tyre. Thjesht ky fëmijë stërvitet paraprakisht mendërisht që kur figurat në fjalë të shfaqen ai t’i përqafojë.
Si ndodh proces i stërvitjes paraprake?!
Qoftë edukatori, qoftë mësuesja apo qoftë prindi kanë një ndikim të caktuar tek çdo fëmijë, pasi shihen nga ky i fundit si autoritet. Jam krejt e bindur dhe nuk kam kurrfarë dyshimi se në rastin ambasadores amerikane edukatorja u ka folur fëmijëve gjatë para se ambasadorja të shfaqej; që fëmijët duhet të ishin të dashur me të dhe ta përqafonin. Në rast të kundërt, nuk do të ishte aspak e natyrshme që fëmijët të rrethonin me përqafime një njeri që e shohin për herë të parë, qoftë kjo ambasadorja e Shteteve të Bashkuara.
E njëjta gjë ndodh edhe në rastin e deputetes, kryebashkiakut apo kryeministrit. Janë prindërit që parapërgatitin fëmijët për shfaqje artificiale dashurie duke i thënë se duhet të sillen shumë mirë dhe ta përqafojnë mysafirin/en që do të vijë në shtëpi. Në rast të kundërt, fëmijëve nuk do t’u vinte aspak natyrshëm të përqafonin një të panjohur, qoftë kjo Elisa Spiropali, qoftë ky Erion Veliaj apo Edi Rama.
Por pse u intereson kaq shumë, fotografia me fëmijët këtyre figurave?!
Pranë një fëmije, figura e një të rrituri bëhet më e pranueshme. Edhe egërsira më e madhe kur shfaqet pranë një fëmije, të krijon përshtypjen e një qenieje të zbutur dhe zemërgjerë.
Figurat e përmendura më lart, teksa pozojnë pranë fëmijëve duan të krijojnë iluzionin e dhembshurisë në popull. Iluzionin se ata i duan fëmijët e njerëzve të thjeshtë dhe i përqafojnë si të ishin fëmijët e tyre. Iluzioni i dhembshurisë u mundëson që për një çast të përfitojnë një amnesti në sytë e publikut për gjithçka kanë bërë. Sa më të dendura fotot me fëmijë aq më shumë çaste amnestie.
Kjo është një hipokrizi e frikshme dhe krejt e dënueshme, sikundër është i trishtë fakti se prindërit nuk e kuptojnë se fëmijët e tyre po përdoren keq, por përkundrazi i gëzohen faktit se fëmijët e tyre po dalin në rrjete sociale me ambasadoren, kryeministrin, deputeten, apo kryeministrin.
Fëmijët janë thjesht një çast amnistie për të rriturit.
Lufta Prigozhin - Putin
Më shumëFadil Hoxha e Veli Deva, Enver Hoxhës më 1968: Kujdes me Titon, se po na e vështirësoni punën në Kosovë
Aktori Abdurrahman Shala - eprori i dikurshëm i një burgu në Prishtinë, që ndali vrasjet e shqiptarëve!
“Liria e së nesërmes”: A e njeh ky njeri rrugën e paqes mes Izraelit dhe Palestinës?
Karnavalet, origjina dhe domethënia
LAMTUMIRË VËNDET E MIJA
Binjaket magjepsëse dhe shkrimtarët e famshëm
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën