Kundërshtarët e mundshëm të Interit dhe Napolit në raundin e ardhshëm në Ligën e Kampionëve

Interi dhe Napoli kanë kaluar fazën e grupeve të Ligës së Kampionëve dhe tashmë njohin disa nga kundërshtarët e tyre të mundshëm në raundin tjetër.

Napoli ka fituar Grupin A përpara Liverpoolit, pasi përfundoi me pikë të barabarta me Reds, por me një gol diferencë më të mirë në ndeshjet direkte. Ata tani do të përballen me njërin nga vendet e dyta të grupeve.

Nga ana tjetër, Interi përfundoi i dyti në Grupin C pas Bayern Munichut, ndaj Nerazzurrët do të përballen me një nga fituesit e grupit në fazën eliminatore.

Club Brugge, Eintracht Frankfurt dhe Borussia Dortmund kanë përfunduar në vendin e dytë, kështu që janë ndër kundërshtarët e mundshëm për Napolin.

🫶 𝐆𝐑𝐎𝐔𝐏 𝐖𝐈𝐍(𝐍𝐄𝐑)

💙 #ForzaNapoliSempre pic.twitter.com/mpxLqyyzo1

— Official SSC Napoli (@sscnapoli) November 2, 2022

Në anën tjetër, Interi mund të takohet me Porton, Tottenham, Chelsea ose Manchester City, të cilët tashmë i kanë fituar grupet e tyre.

Të dy gjigantët e Serie A do të njohin rivalët e tjerë të mundshëm pas ndeshjeve të mbrëmjes së sotme.

🗓️ 26/10/22
🏟️ Inter 🆚 Viktoria pic.twitter.com/9lPvARAHf5

— Inter ⭐⭐ (@Inter) November 2, 2022

Milani ose RB Salzburgu mund të përfundojnë të dytit në Grupin E, por asnjë ekip nga i njëjti vend nuk mund të takohet mes vete në raundin e 16-të, kështu që Napoli nuk do të takohet me Milanin nëse skuadra e Stefano Piolit fiton ose barazon sonte.

Real Madridi ka fituar një vend në fazën e eliminimit, por ende nuk e ka fituar Grupin F. RB Leipzig dhe Shakhtar takohen sonte dhe skuadra e Bundesligës mund të fitojë grupin, të përfundojë e dyta ose të shkojë në Ligën e Evropës, ndërsa Shakhtar mund të kualifikohet si vend i dytë, por jo të fitojë grupin e tyre.

Benfica dhe Paris Saint-Germain janë të barabartë me pikët në Grupin H të Juventusit, por gjigantët e Ligue 1 kanë një golavarazh më të mirë sesa portugezët. /Telegrafi/