Sot dhe mbrëmë Kumanova ka qenë qyteti më i ndotur në Maqedoni. Niveli i grimcave PM 10 është shumëfishuar dhe kanë arritur 242 mg/m3. Mbrëmë, ishin edhe më të larta dhe lëviznin prej 411 deri në 380 mg/m3. Në orët e vona të mbrëmjes në Kumanovë kundërmonte erë tymi, por shpërndahej edhe erë specifike.

Qytetarët kërkojnë nga autoritetet kontrolle të përforcuara inspektuese. Paraprakisht në disa raste gjatë vitit, komuna ka kryer aeroizolim. Në ditët e kaluara NP “Pastrim dhe Gjelbërim” i pastronte rrugët në orët e mbrëmjes, që është gjithashtu pjesë e masave për uljen e ndotjes së ajrit.

Në mesin e masave urgjente të jashtëzakonshme është edhe mbjellja e fidanëve dhe kontrolle të përforcuara inspektuese, që në njërën nga fidanët i sollën këshilltarët, ndërsa shumë shpesh janë kërkesë e qytetarëve. Periudhën e kaluar ishin mbjellë fidanë në disa lokacione të lagjes “Karposh” dhe “Tode Mendol”.

Por, edhe krahas këtyre masave të ndërmarra afatshkurta dhe afat mesme për uljen e ndotjes së ajrit, Kumanova mbrëmë ishte qyteti më i ndotur në Maqedoni.

Sipas qytetarëve, gazifikimi i amvisërive dhe konsumatorëve të mëdhenj është kyç për uljen e ndotjes së ajrit./Telegrafi/