KUJDES NGA KJO DITË: Po ofrohet data e cila rrallë e mbijeton ndonjë çift

Edhe pse duket që ato ditë çdo gjë është e bukur dhe romantike, megjithatë, statistikat e tregojnë të kundërtën.

Koha e fundvitit është njëra ndër më të bukurat e vitit, mirëpo, megjithatë, nuk është çdo gjë aq e mrekullueshme siç duket.

Hulumtime të shumta kanë zbuluar që në periudhën e dimrit ndodhin më së shumti shkurorëzime.

Një hulumtim ka shkuar një hap më tutje dhe ka arritur te data e saktë në të cilën ka pasur më së shumti shkurorëzime deri tani.

Fjala është për Kërshëndellat, transmeton Telegrafi.

Hulumtuesit deri te ky konkludim kanë ardhur duke shikuar profilet në Facebook dhe kanë konkluduar që më së shumti statuse mbi ndërprerjen e lidhjeve ka pasur pikërisht në atë ditë.

– Vetë akti i dhuratave i bën njerëzit që të marrin kontrollin mbi jetën e tyre – thonë psikologët.

Gjithashtu, sipas psikologëve dhuratat e fundvitit fshehin në vetvete një ‘kleçkë’ të madhe.

“Nëse nuk jeni të sigurt, veçanërisht nëse nuk keni patur një lidhje prej kohësh, shumë njerëz e kanë problem shkëmbimin e dhuratave, sepse dhuratat konsiderohen intime. Frikësohen sepse nuk duan t’i ushtrojnë presion personit tjetër, por nga ana tjetër nuk duan të ndihen si ‘budallenj’ duke dhuruar diçka pa marrë gjë në shkëmbim,” thotë Dr. Dorree Lynn.

Por nëse keni mjaftueshëm fat dhe ia dilni të mbijetoni të lidhur deri për Kërshëndella, pranvera me shumë gjasa do t’ju zërë lumturisht të dashuruar.

Këtyre ditëve, nuk ndahen shumë çifte përfundimisht, por rritet frekuenca e ndarjeve për të arritur kulmin sërish në pranverë.

Kështu që, çifte të dashuruara, kujdes gjatë Kërshëndellave! /Telegrafi/